Søknad om løyve til regulering og uttak av vatn frå Håvikvatnet i Bjørnafjorden og Kvinnherad kommunar

NVE har motteke søknad frå AS Bolaks om løyve til regulering og uttak av vatn frå Håvikvatnet i Bjørnafjorden og Kvinnherad kommunar. Vatnet skal brukast til produksjon av stamfisk. 

Søknaden vert behandla etter reglane i kapittel 3 i vassressurslova, og gjeld løyve etter § 8 i same lov. Søknaden med vedlegg er lagt ut til offentleg ettersyn på NVE sine nettsider fram til høyringsfristen går ut. Dersom du ønskjer papirutgåve av søknaden, ta kontakt med Samuel Anderson på tlf. 45 68 95 21 eller e-post: samuel@bolaks.no.

 Alle som har ei meining om saka, kan sende ein uttale på éin av følgjande måtar:

• via skjema for uttalar, som de finn på internettsidene våre 

• via e-post til uttalelse@nve.no (merk e-post med «Høyringsuttale 202108530» i emnefeltet, og skriv namn og organisasjonsnummer i innleiinga viss du representerer ei verksemd) 

• via brev til NVE, Postboks 5091, Majorstuen, 0301 OSLO 

Frist for uttale er innan 21.5.2024