Kvinnherad kommunestyre eigengodkjente forslag til detaljregulering for Pollen næringsområde – Sunde – 154/32, 154/17 med fleire, PlanID 20220008, i møte 30.11.2023 (125/2023). Det er gjennomført endringar i planomtale og i føresegn §§ 2.4.4 og 2.6.5 i samsvar med vilkår som følgjer vedtaket.
Detaljreguleringa legg til rette for næringsutvikling på 154/32 og 154/17 med tilhøyrande infrastruktur. Regulert fortau sikrar mjuke trafikkantar. Eksisterande turveg er sikra for ålmenta med tilhøyrande parkeringsplass.
Gjeldande reguleringsplan, Rv 544 Halsnøysambandet – Halsnøy, PlanID 19980012, vert samstundes oppheva.
Føresegner og planomtale er datert 15.12.2023, og plankart er datert 29.08.2023.
Kommunestyret sitt vedtak kan påklagast til Statsforvalteren i Vestland av den som er part eller har rettsleg klageinteresse i plansaka jf. forvaltningslova (fvl) §§ 28- 36 og plan- og bygningslova (pbl) § 1-9. Klagefrist er 3 veker frå tidspunkt vedtaket er kome fram til parten jf. fvl § 29.
Den vedtekne reguleringsplanen er straks bindande for framtidig arealbruk i området, samt for utviding av eksisterande tiltak jf. pbl § 12-4.
Grunneigar har rett til å krevje innløysing jf. pbl § 5-2 og krav til erstatning for tap ved reguleringsplan jf. pbl § 15-3. Krav om erstatning om tap ve reguleringsplan må vere sett fram seinast 3 år etter denne kunngjeringa.
Plandokument er tilgjengeleg i planregisteret.
Eventuell klage til Statsforvaltaren i Vestland skal sendast til post@kvinnherad.kommune.no eller som brev til Kvinnherad kommune, Rosendalsvegen 10, 5470 Rosendal.