Kommunestyre vedtok detaljreguleringa med slik endring:
Planforslaget vert endra i tråd med alternativ utforming av plandokumenta slik det kjem fram av notat datert 07.12.2023 med arkivsaksnummer 2022/356-34, i hovudsak slik:
- Bredda på fortau langs søraustre del av parkeringsareal SPP2 vert redusert til 3,7 meter
- Solplassen vert vidareført i noverande form
- Areal sett av til terminalbygg er endra til kombinert føremål slik at det kan nyttast til parkering inntil bygging blir aktuelt
Som følgje av endringane får kommuneadministrasjonen fullmakt til å gjere naudsynt oppdatering av plandokumenta slik at plankart, føresegner og planomtale får god innbyrdes samanheng.
Plandokumenta er no oppdatert i samsvar med vedtaket i kommunestyret, og detaljregulering for Husnes kollektivterminal og sentrumsveg, 144/68 m. fl. PlanID 20200011 er såleis eigengodkjent i medhald av plan- og bygningslova § 12-12 .
Plankart er datert 06.12.2023 og føresegner og planomtale er datert 14.12.2023.
Delar av følgjande reguleringsplanar vart samstundes oppheva:
PlanID 20110009 Byen Husnes - 143/5 og 144/5 m.fl. – Husnes
PlanID 19650001 Troåslia Bustadfelt
Kommunestyret sitt vedtak kan påklagast til fylkesmannen i Vestland av den som er part eller har rettsleg klageinteresse. Dette i samsvar med reglane i Forvaltningslova kapittel VI, og jf. Plan- og bygningslova (pbl) § 1-9.
Klagefristen er i utgangspunktet 3 veker frå det tidspunkt underretning om vedtaket er kome fram til parten. Sjå elles forvaltningslova § 29.
Detaljreguleringa vert no bindande for alle arbeid og tiltak som blir sett i verk innanfor planområdet.
Me viser til grunneigar sin rett til å krev innløysing, jf. pbl § 15-2, samt til pbl § 15-3 om erstatning for tap ved reguleringsplan. Krav om erstatning for tap ved reguleringsplan må vere sett fram seinast 3 år etter denne kunngjeringa.
Plankart, planomtale, føresegner, vedtak m.m. finn de her
Eventuell klage skal sendast som e-post til post@kvinnherad.kommune.no eller som brev til Kvinnherad kommune, Rosendalsvegen 10, 5470 Rosendal.