Kunngjering av vedtak;
Statens kartverk har gjort vedtak om skrivemåten av stadnamn. Dei fleste av desse ligg i Ullensvang kommune, men løpenummer 51-55 er å finne i Kvinnherad kommune. Namna går fram av den vedlagde lista. Vedtaket er gjort med heimel i § 7 tredje ledd i lov om stadnamn. Vedtaksbrevet ligg vedlagt. Saka vert med dette kunngjort.
Klagerett;
Vedtak om skrivemåte kan etter § 12 i lov om stadnamn påklagast av dei som etter § 6 bokstav a til c har rett til å ta opp saker om skrivemåten av stadnamn. Klagefristen er 3 veker og vert satt til måndag 26.juni 2023. Ei eventuell klage skal sendast til Kartverket med kopi til kommunen. Klaga skal grunngjevast, og grunngjevinga må omtala alle namn eller namneledd klaga gjeld.