Plan- teknikk og miljøutvalet vedtok 30.05.2023 i sak 19/2023 at Detaljregulering for Pollen næringsområde – Sunde – 154/32, 154/17 med fleire, PlanID 20220008 sendast ut på høyring og leggjast ut til offentleg ettersyn jf. plan- og bygningslova (pbl) § 12-10. Råka partar og instansar skal varslast jf. pbl §§ 5-2 og 12-10. Planforslaget er utarbeida av ABO Plan & Arkitektur AS på vegne av tiltakshavar Lonabråtet Eigedom AS.
Planområde
Planområde på 25 daa ligg i Pollen på Sunde med tilkomst frå rundkøyring ved Fv500 Opsangervegen/Halsnøyvegen. Planavgrensinga omfattar avkøyrsel med påkopling til rundkøyringa frå fylkesvegen. I tillegg inkludera planområde eit større areal enn det som skal utviklast som næringstomter med føremål om å sikre vegtilkomst, vegetasjonsbelte mellom fylkesveg og næringsområde, eksisterande tursti og parkering for friluftsliv. Følgjande eigedommar ligg innanfor planområde: 154/31, 154/17, 153/126, 154/71, 154/2 og 154/235. Grunneigedommane er både i privat og offentleg eige.
Føremål
Planforslaget har som føremål å leggje til rette for næringsutvikling av eit tidlegare nedlagt steinbrot og deponi på Sunde. Planforslaget syner utvikling av to næringstomter som opnar for industri, handverks-, service- og lagerverksemd med tilhøyrande infrastruktur. Detaljreguleringa vil erstatte delar av gjeldande reguleringsplan for Rv 544 Halsnøysambandet – Halsnøy (PlanID 19980012).
Historikk
19.10.2022 – Oppstartsmøte
01.11.2022 – Kunngjering av oppstart
29.11.2022 – Frist for innspel til oppstart
24.01.2023 – Undervegsmøte for gjennomgåing av innkomne innspel
30.05.2023 – 1. gongs behandling i Plan- teknikk og miljøutvalet
Plandokument er tilgjengeleg i planregisteret.
Saksnummer: 2022/456
Ved høyring og offentleg ettersyn er frist for merknader minst 6 veker jf. pbl § 12-10. Merknader kan sendast til post@kvinnherad.kommune.no eller som brev til Kvinnherad kommune, Rosendalsvegen 10, 5470 Rosendal innan frist 20.07.2023. For meir informasjon sjå kommunens heimeside og planregisteret.