Husnes blandakor og Røysterett for alle deltok med korsong for dei 70 deltakarane på Tilflyttarsamlinga. (Foto: Karen Løvfall Våge)
70 deltok på Tilflyttarsamlinga
Heile 350 nye kvinnheringar var inviterte til tilflyttarsamlinga for 2025. 70 av dei stilte i Festsalen torsdag ettermiddag.
Tilflyttarsamlinga er ei årvisst samling for dei som flytta til Kvinnherad i det føregåande kalenderåret. I tillegg til mat og drikke, og høvet til å helsa på mellom anna ordføraren, er samlinga også spekka med kunstnariske og informative bidrag.
Vinnaren av gåvesjekken på 10.000 kroner vart Mariia Hotsuliak, tilflyttar frå Ukraina, høgtidsamt overlevert av ordførar Vegard Bjørnevik. (Foto: Karen Løvfall Våge)
Torsdag deltok Husnes blandakor og Røysterett for alle med korsong, Frivilligsentralane informerte om sine tilbod og Cecilie Opedal fortalte om kva Rosendal Turnlag syslar med.
Kulturskulen hadde innslag ved songelevane Sehrii og Annika, medan Torstein Aarthun og Toril Langeland fekk høve til å snakka om kyrkja i Kvinnherad. Frå Naturvernforbundet Kvinnherad fekk Mari Teigen Varanes fortelja om den unike naturen i Kvinnherad.
Høgdepunktet i samlinga er for mange trekkinga av tilflyttarprisen. Vinnaren av gåvesjekken på 10.000 kroner i år vart Mariia Hotsuliak, tilflyttar frå Ukraina.
Mari Teigen Varanes frå Naturvernforbundet Kvinnherad var ei av fleire som fekk scenetid til å fortelja om sine aktivitetar. (Foto: Karen Løvfall Våge)
Sist oppdatert