Kommunal kriseleiing

Ved omfattande ulykker, katastrofar eller andre større, uønskte hendingar trer den kommunale beredskapsleiinga (KBL) i kraft.

KBL vert leia av kommunedirektøren med ordførar som del av KBL. Øvrige medlemer er leiargruppa til kommunedirektøren, samt brannsjefen, politistasjonssjefen og ein informasjonsmedarbeidar.

KBL har som oppgåver:

• Innhente opplysningar om situasjonen 
• Ta avgjersler om å iverksette tiltak for å hindre/minske skader på personar, materielle verdiar og miljø
• Prioritere ressursar frå kommunen si side
• Utarbeide faginformasjon til innbyggjarar og media
• Avgje situasjonsrapportar til Statsforvaltaren, samt rapportar til kommunestyret

Instruks, ansvar og oppgåver til den kommunale beredskapsleiinga følgjer ein eigen beredskapsplan for kommunen. I tillegg vert beredskapslanar for til dømes atomulykker og smittevern lagt til grunn.

KBL deltek i årlege kriseøvingar.