Stimuleringsmidlar for private bustadfelt

Kvinnherad kommune ynskjer å bidra til auka bustadbygging. Kommunestyret har difor vedteke ei eiga tilskotsordning retta mot utbyggjarar. Ordninga har som mål å bidra til realisering av måla i samfunnsplanen Kvinnherad2050.

Ordninga er særskilt knytt opp mot denne målsetjinga: «Det må leggast til rette for samarbeid mellom kommunen og lokalt næringsliv for å kunne tilby nok og tenlege bustader med høg kvalitet i bygdesentera.»

Kommunestyret har vedteke at prosjekt der kommunale stimuleringsmidlar har utløysande effekt for realisering, skal prioriterast.

Tilskot kan gjevast etter søknad. Søknadsfristar for tildeling i 2026 er 26. august og 28. oktober. For 2026 er det til saman sett av 10 millionar kroner til ordninga, med tak på kr. 1 million pr. prosjekt.

I retningslinene for ordninga finn du krav til søknaden og vilkår for tildeling. Sjå denne pdf-en pdf, 233 kB, åpnes i nytt vindu..

For søknad, nytt dette skjemaet: Stimuleringsmidlar med rettleiing - Søknad (4617) Lenke til et annet nettsted, åpnes i nytt vindu.