Miljøretta helsevern

Alle skular og barnehagar skal ha helseverngodkjenning.

Det skal fyllast ut og søkast før det vert bygd, og dersom ein gjer endringar som til dømes ombygging, utbygging, utegrupper/friluftsgrupper. Søknaden bør sendast når planane er ganske klare, slik at miljøretta helsevern kan undersøka om prosjektet er i tråd med forskrift, samt avdekka eventuelle problem medan prosjektet framleis er på planstadiet.

Når bygget er klart skal miljøretta helsevern koma på tilsyn før det vert teke i bruk.

Søknadsskjema finn de her:
Barnehage Lenke til et annet nettsted, åpnes i nytt vindu.
Skule Lenke til et annet nettsted, åpnes i nytt vindu.
Dagmamma Lenke til et annet nettsted, åpnes i nytt vindu.

Forskrift om helse og miljø i barnehagar, skular og skulefritidsordningar Lenke til et annet nettsted, åpnes i nytt vindu.

Lokale som skal nyttast til tatovering eller holtaking/piercing skal godkjennast. Dette vert regulert gjennom forskrift Lenke til et annet nettsted, åpnes i nytt vindu..

Lokale som skal nyttast til frisør- og hudpleieverksemd, inkludert solarier, skal meldast til kommunen. 

 Melding skal sendast: 

- før lokala vert teke i bruk 

- ved eigarskifte 

- ved større endringar og utbyggingar 

Skjema finn de her:  

Meldeskjema - frisør. hudpleie, tatoverings- og holtakingsverksemd Lenke til et annet nettsted, åpnes i nytt vindu. 

Meldeskjema - solarium Lenke til et annet nettsted, åpnes i nytt vindu. 

Forskrift om hygienekrav for frisør-, hudpleie-, tatoverings- og hulltakingsvirksomhet m.v.  Lenke til et annet nettsted, åpnes i nytt vindu.

Solstudio skal i tillegg meldast inn til DSA, og ha eit internkontrollsystem. Det er 18. års aldersgrense for å ta solarium i Norge og solaria må ha alderskontroll. Soling i ung alder gjer auka risiko for hudkreft. Og solaria må ha eit system for alderskontroll. Soling i sol og solarium er kreftframkallande. 

Det er ein del krav knytt til solariedrift, meir om dette finn ein på DSA sine sider Lenke til et annet nettsted, åpnes i nytt vindu..

Tilsyn ved bade- og symjeanlegg:  

Alle bassengbad, badeanlegg, boblebad og badstover tilgjengelege for ålmenta, skal meldast til kommunen ved oppstart eller vesentlege endringar. Meldinga skal innehalde ei vurdering av alle forhald som kan ha innverknad på helse, hygiene eller for brukarane ved drifta av badeanlegget.  

Meldeskjema - badeanlegg Lenke til et annet nettsted, åpnes i nytt vindu. 

Lenkje til forskrift for badeanlegg, bassengbad og badstove m.v.  Lenke til et annet nettsted, åpnes i nytt vindu.

Tilsyn ved camingplassar, leirplassar, asylmottak m.m:

Campingplassar, hospits og asylmottak skal meldast til kommunen før oppstart og ved vesentlege utvidingar eller endringar. For verksemder som krev tillating gjennom vedtak etter plan- og bygningslova, forureiningslova eller anna lovverk som krev vurdering av helsekonsekvensar, vil det ikkje vere nødvendig med eiga melding. 

Skjema for helsegodkjenning: 

Campingplass Lenke til et annet nettsted, åpnes i nytt vindu. 
 

Forsamlingslokale og lokale for undervisning: 

Lokale for undervisning og andre forsamlingslokale kor allmennheita har tilgang, eller som vert nytta av mange menneske, skal meldast til kommunen før oppstart og ved vesentlege utvidingar og endringar. Dette vert regulert i forskrift av §14 om miljøretta helsevern. §10 i forskrifta stiller krav til helsemessige forhald i slike lokale, bl.a. om inneklima, reinhald, sanitære anlegg, psykososialt miljø og førebygging av ulykker, skader og smittsame sjukdommar.   

Meldeskjema - undervisnings- og forsamlingslokale Lenke til et annet nettsted, åpnes i nytt vindu. 

Radon er ein gass som finst i grunnen. Den er kreftframkallande, og du bør måla for å avdekka om radon ligg over grensenivået i bygget der du bur.

Det er ei enkel måling som ein bør gjennomføra i tidsrommet mellom 15. okt. og 15. april i minst 60 dagar samanhengande.  

Dersom det viser seg at nivået av radongass er for høgt er det mogleg å gjere ein del enkle tiltak for å redusere nivået. 

Her Lenke til et annet nettsted, åpnes i nytt vindu. kan du lesa om radon på Direktoratet for atomsikkerhet og strålevern.

Leiger du bustad? Dette må du vita om radongass! Lenke til et annet nettsted, åpnes i nytt vindu. (Youtube-video)

Støy 

Støy er definert som uønska lyd. Kva som er uønska lyd vil variere frå person til person, og frå situasjon til situasjon. 

Støy og helse: 

Moderat og kraftig støy særleg om den kjem uventa, vil kunne gje akutte fysiologiske reaksjonar i kroppen. Støy har og direkte og indirekte sosiale konsekvensar. Mangel på gode miljøforhald på gunn av støy kan ha vesentlege verknader på trivsel, velvære og helse. 

Dersom du skal klage på støy må du først ta kontakt med den som er opphav til støyen for å forsøke å løyse problemet. Dersom dette ikkje fører fram kan du ta kontakt med miljøretta helsevern. 

Ein klage skal sendast skriftleg, og må innehalde ei beskriving av: 

-Støykjelde (kva/kven valdar støyen? Kvar er støykjeldene plassert?) 
-Tidspunkt for støyen og varigheit 
-Korleis vert klagaren plaga 

Ved vurdering om ein skal krevje ei retting må den helsemessige gevinsten av ei eventuell retting vurderast opp mot andre konsekvensar eit slikt krav vil medføre. 

Tilsyn og klagehandsaming i høve til røykelova 

Lov mot tobakksskadar vart vedtatt i 1973 og tredde i kraft i 1975. Lova vart sist endra i juli 2004. Det var då inn ført røykeforbod på serveringsstader. Hovudmålet med endringa var å skjerme tilsette mot passiv røyking. I forarbeidet til lovene er to andre grupper nemnt som ein ynskjer å verne: gjestene og ungdom.  

Tobakksbruk er forbodet i skular og barnehagar. 

Forskrift om miljøretta helsevern Lenke til et annet nettsted, åpnes i nytt vindu.

Privat brønn er eigars ansvar

Kommunen har ikkje ansvar for kvaliteten på drikkevatnet frå private brønnar. Eigar av brønnen har sjølv ansvar for at drikkevatnet er helsemessig trygt, klart og utan unormal lukt, smak eller farge.

Kommunen har normalt ikkje tilstrekkeleg kjennskap til lokalisering, geologiske forhold, utforming eller sikring av den enkelte brønnen til å kunna gi konkrete råd om årsak til eventuelle problem med vasskvaliteten.

Dersom den private brønnen vert delt med minst to einingar – for eksempel to hytter, eit nabofellesskap eller eit hus med permanent utleigedel – vert det rekna som eit vassforsyningssystem og skal registrerast hos Mattilsynet.

Kva bør du gjere?

Dersom du er usikker på kvaliteten på vatnet frå brønnen din, bør du:

• Kontrollera brønnen jamleg og sjå etter skadar på lokk, kum eller andre innretningar.
• Vurdera om det finst mogelege forureiningskjelder i nærleiken, til dømes avløpsanlegg, jordbruk, beitedyr, lagring av olje eller kjemikaliar.
• Ta vassprøver ved eit akkreditert laboratorium dersom du er usikker på vasskvaliteten eller opplever endringar i lukt, smak eller utsjånad.
• Vurdera behov for vassbehandling dersom analysar viser uønskt stoff eller forureining.

Nyttige rettleiingar

Mattilsynet

Har du trygt vatn i brønnen? Praktiske råd om sikring av brønn, vedlikehald og førebygging av forureining. https://www.mattilsynet.no/mat-og-drikke/forbrukere/har-du-trygt-vann-i-bronnen Lenke til et annet nettsted, åpnes i nytt vindu.

Du som har eigen vassforsyning, har ansvaret for drikkevatnet Informasjon om ansvar, farekartlegging, prøvetaking og vassbehandling. https://www.mattilsynet.no/drikkevannsforsyning/du-som-har-egen-vannforsyning-har-ansvaret-for-drikkevannet Lenke til et annet nettsted, åpnes i nytt vindu.

Alle vassforsyningssystem må ha ein vassverkseigar Informasjon om registrering av små vassforsyningssystem. https://www.mattilsynet.no/drikkevannsforsyning/registrere-lite-vannforsyningssystem Lenke til et annet nettsted, åpnes i nytt vindu.

Norsk Vann

Tips til deg med eigen brønn Råd om drift, vedlikehald, prøvetaking og vanlege utfordringar med private vasskjelder. https://norskvann.no/tema/avlop/sma-utslipp/for-hus-og-hytteeiere/tips-til-deg-med-egen-bronn/ Lenke til et annet nettsted, åpnes i nytt vindu.

Kontakt

Dersom du har spørsmål om kommunale vassverk eller kommunal vassforsyning kan du kontakta Vatn og avløp i kommunen. For spørsmål om private brønnar og eiga vassforsyning viser vi til rettleiingane ovanfor og eventuelt til fagkyndige rådgivarar innan grunnvatn og drikkevassforsyning.

Meldeskjema – kjøletårn og liknande Lenke til et annet nettsted, åpnes i nytt vindu. 
Miljø- og forureiningssaker
Utsleppsløyve