Heimetenester

Eininga har seks grupper som yt heimetenester i kommunen. Eininga har ansvar for drift av bufellesskap og omsorgsbustader med heildøgertenester, samt drift av dagsenter på Husnes, i Rosendal og på Ølve. Eininga har ansvar for høyrselskontaktane i kommunen.  

Eininga skal yta helse og omsorgstenester etter helse og omsorgstenestelova § 3 – 1,  til dei som treng det og oppheld seg i kommunen. Eininga yt tenester etter vedtak.

Føremål er å leggja til rette for meistring av sjukdom og skade slik at ein kan bli mest mogleg sjølvstendig og bu lengst mogleg i eigen heim.

Kommunen sitt ansvar
Kommunen skal sørge for at personar som oppheld seg i kommunen, får nødvendige helse og omsorgstenester. Ansvaret gjeld alle pasient og brukargrupper, som personar med somatisk eller psykisk sjukdom, skader eller liding, rusmiddelproblem, sosiale problem eller nedsett funksjonsevne.