Heimesida på veg over til ny plattform

Heimesida til Kvinnherad kommune skiftar nettleverandør. Me ber på førehand om orsak dersom publikum opplever manglar, ufullstendige lenker og generell lugging på heimesida dei neste dagane. Opplever du problem, send gjerne ei tilbakemelding til haavard.saetrevik@kvinnherad.kommune.no.

Les mer om Heimesida på veg over til ny plattform

Bustadrådgjeving

Bustadrådgjevingsgruppa er ei tverrfagleg samansett gruppe som består av byggfagleg rådgjevar med kompetanse på byggtekniske løysningar, ergoterapeut med kompetanse på hjelpemiddel og samspel mellom funksjon, aktivitet og omgjevnadar, økonomirådgjevar med kompetanse på offentlege økonomiske støtteordningar, samt NAV som kan rådgje i samband med personleg økonomi og bidra i søknadsskriving.

Gruppa gjev råd og rettleiing til personar med funksjonsnedsetting, som ynskjer å bu heime og som har trong for tilrettelegging av bustaden sin.

Tilbodet er gratis.

Vi kjem på heimebesøk og alt etter problemstilling diskuterer vi moglege løysingar med deg. Vi kan også hjelpe med søknadar om ymse tilskot og støtteordningar eller søknadar om hjelpemiddel til heimen. Når det er naudsynt kontaktar vi entreprenørar, arkitektar eller NAV Hjelpemiddelsentral.

Gruppa har teieplikt og ingenting vert diskutert i gruppa utan at du har gjeve klarsignal.

Vi har faste møte kvar månad.

Dersom du ynskjer kontakt med Bustadrådgjevingsgruppa, anten for å diskutere løysingar du sjølv har tenkt på, eller du ynskjer at vi skal sjå på heimen din i lag med deg, kan du kontakte Ergo- og fysioterapitenesta v/Tone Eitrheim tlf: 90 53 34 39. Du kan òg kontakte ein av dei andre ergoterapeutane i kommunen.

Sist oppdatert

Fant du det du var på jakt etter?