Førebyggjande heimebesøk

Innbyggjarar som er over 77 år kan sjølv ta kontakt og få same tilbodet. 
Førebyggjande heimebesøk er eit gratis og frivillig tilbod.

Målet med besøket er å bidra til at fleire eldre kan bu lengst mogleg i eigen heim, med god helse og livskvalitet. 
Me ynskjer å møta friske og oppegåande seniorar som framleis er handlekraftige. Då kan ein gjera val og endringar som kan gjera alderdomen tryggare. 
Om du har du byrja å få utfordringar, kan me komme fram til gode løysingar saman med deg, og sjå på moglegheiter. 

I besøket har vi ein samtale med fokus på meistring av eigen kvardag.
Aktuelle tema kan vere:

• Bustad
• Fysisk aktivitet og helse
• Brannførebygging 
• Sosialt nettverk og tilbod i nærområdet
• Velferdsteknologi 
• Og andre tema som er viktig for den einskilde.  

Du får snakka med kvalifisert helsepersonell som har teieplikt. Under besøket vil du få informasjonsmateriell om kva du kan gjera for å ta vare på eiga helse.
Du vil få informasjon om kommunen sine tenester og kvar du kan ta kontakt, dersom du treng hjelp frå kommunen seinare i livet. 

Kanskje har du begynt å tenke på korleis du kan planleggje alderdomen din, men er usikker på kvar du skal starte?  
  
Kanskje har du lyst å delta på sosiale aktivitetar saman med andre,  
men veit ikkje kva som finns i Kvinnherad kommune?  
 

Ta kontakt om du har spørsmål om tilbodet.  
Pårørande er òg velkomne til å ta kontakt.