Redusert foreldrebetaling og gratis kjernetid

Det er to moderasjonsordningar for familiar og hushald med låg inntekt. Du/de må søkja om dette kvart barnehageår.

1. Reduksjon i foreldrebetaling

Dersom barnehageprisen er høgare enn 6 prosent av samla inntekt i hushaldet, kan de få redusert betaling.

Ingen skal betale meir enn 6 prosent av inntekta si per barn i barnehage.

Ordninga gjeld både kommunale og private barnehagar, og det er kommunen ved barnehagemynde som behandlar søknader.

2. Gratis kjernetid

Barn i alderen 2–5 år, og barn som har fått utsett skulestart, kan ha rett til 20 timar gratis barnehage i veka dersom familien har låg inntekt.

Inntektsgrenser:

• Frå 1. august 2026: 692 465 kroner

Les meir om foreldrebetaling for barnehageplass og moderasjonsordningar Lenke til et annet nettsted, åpnes i nytt vindu..

Slik søker du:

Ordningane er søknadsbaserte, og det kan søkjast for eitt barnehageår om gangen. Foreldrebetaling skal reknast ut frå hushaldet si samla skattepliktige inntekt. Både person- og kapitalinntekt skal reknast med.

Du søkjer om redusert foreldrebetaling ved å trykke på denne lenka: Foreldreportalen Lenke til et annet nettsted, åpnes i nytt vindu.

Du kan lesa meir om ordninga her:

Rettleiing til redusert foreldrebetaling eller gratis kjernetid Lenke til et annet nettsted, åpnes i nytt vindu.

Vedtak om redusert foreldrebetaling gjeld for eitt barnehageår.

For søknadar som kjem inn før 1. august, gjeld kommunen sitt vedtak frå 1. august og ut barnehageåret. Vert søknad sendt etter 1. august gjeld vedtak frå fyrste heile månad etter tidspunkt det vart søkt og ut barnehageåret

Dokumentasjon på inntekt

Kommunen hentar sjølv inn gjeldande skattemelding. Dersom du har betydeleg nedgang i inntekt i forhold til siste skattemelding, må du senda inn dokumentasjon på dette.

Døme på slik dokumentasjon:

For arbeidstakar:

• Kopi av dei tre siste lønnsslippane frå arbeidsgjevar. Desse må visa endring i årslønn samanlikna med skattemeldinga
• Ved nytt arbeidsforhold: kopi av arbeidskontrakt der løn kjem fram
• Ved permisjon utan lønn skal dette dokumenterast

For sjølvstendig næringsdrivande:

• Stadfesting frå rekneskapsførar/revisor på forventa årsinntekt
• Husk: Både personinntekt og næringsinntekt skal takast med i berekninga

For arbeidsledige:

• Kopi av siste utbetaling frå NAV

For studentar:

• Kopi av studentbevis eller stadfesting frå skulen om skuleplass
• Dokumentasjon på overgangsstønad

For personar med sosial stønad og flyktningar:

• Kopi av siste utbetaling av introduksjonsstønad/kvalifiseringsstønad
• Om sosialhjelp/flyktninghjelp er einaste ”inntektskjelde”, skal det liggja føre stadfesting på dette frå sosialkontoret/flyktningkontoret.

Søknaden må innehalda informasjon om kven som er i hushaldet.

Hushald: einsleg, ektefellar, registrerte partnarar og sambuarar. Som sambuarar reknar ein to ugifte personar over 18 år som bur saman, og som har budd saman i eit ekteskapsliknande tilhøve i minst 12 av dei 18 siste månadane, eller har felles barn. Bur eit barn fast hos begge foreldra, skal foreldrebetalinga reknast ut frå inntekta i hushaldet der barnet er folkeregistrert.