Informasjon om søknadsprossen

Ny søknad – endring – oppseiing av barnehageplass
Søknadsportalen under skal nyttast ved ny søknad, endring eller oppseiing av barnehageplass. Søkjarar vert sett på venteliste etter fødselsdato. Søknad om endra barnehageplass – frist 1.februar

Auka/redusert barnehagetilbod og overflytting til annan barnehage
Søknadsfrist for endring av plass frå oppstart av nytt barnehageår - 1. februar
Endring av barnehageplass elles i året - ingen frist

Søknad om ny barnehageplass – frist 15.februar
Kvinnherad kommune har 15. februar som søknadsfrist før hovudopptak. Dette gjeld barnehageplass frå nytt barnehageår som tek til 15.august.

Hovudopptak
Kommunale og private barnehagar har samordna opptak. Hovudopptaket tek til ca. 1.mars.

Prioritet
Nokre søkjarar har etter barnehagelova førerett på barnehageplass, jf. informasjon om barnehagetilbodet.

Rett til plass i barnehage
Barn som fyller eitt år seinast innan utgangen av august det året ein søkjer barnehageplass, har etter søknad rett til å få plass i barnehage frå august (…)
Barn som fyller eitt år i september, oktober eller november det året ein søkjer om barnehageplass, har etter søknad rett til å få plass i barnehage fra den månaden barnet fyller ett år (…)

Barnet har rett til plass i barnehage i den kommunen det er busett, jf. barnehagelova §12a.

Presisering
* Det må vera søkt om barnehageplass innan 15. februar
* Søkjarar som ikkje oppfyller rett til barnehageplass, har plass på venteliste etter fødselsdato

Søkjar får skriftleg melding når søknaden er registrert i vårt elektroniske system. I samband med hovudopptak får søkjar brev om dei har fått barnehageplass og evt. i kva barnehage, jf. Forskrift om saksbehandlingsregler ved opptak i barnehage §3. Om ikkje første ønskje vert oppfylt, har ein rett til å stå på venteliste til denne barnehagen.

Klagerett
Ved hovudopptak kan søkjar klaga over avslag på søknad om barnehageplass. Søkjar kan og klaga dersom han ikkje får sitt første eller andre ønskje oppfylt, jf. Forskrift om saksbehandlingsregler ved opptak i barnehage §6.

Supplerande opptak
Utanom hovudopptaket tilbyr barnehagane plass om det er ledig kapasitet. Plassane vert tildelte barn på ventelista, jf. retningslinjer for opptak.