Har du røysterett?
For å ha røysterett ved stortingsval må fire krav vera oppfylt. du må:
- Vera norsk statsborgar
- ha fylt 18 innan utgangen av valåret
- ikkje ha mista røysteretten
- vera, eller har tidegare vore, folkeregisterført som busett i Noreg
Manntalet er med på å sikra korrekt val
Ved røystegivinga blir legitimasjonen din sjekka opp mot manntalet for å stadfesta at du har røysterett. Du vert kryssa i manntalet før du får leggja røystesetelen i urna. Når du er kryssa av i manntalet kan du ikkje ombestemma deg og røysta om att.
Les meir om manntal på valg.no
Sametingets manntal
For å kunna røysta ved sametingsvalet må du vera registrert i Sametingets valmanntal. Skal du stå i Sametingets valmanntal må du registrera deg sjølv. Hugs å registrera deg i god tid innan fristen 30. juni.
Røysting til sametinget må gjennomførast innan 10. september som førehandsrøysting.
Kva om eg bur i utlandet?
Norske statsborgarar med røysterett som er busett i utlandet er som hovudregel innført i manntalet. Eitt unntak fins likevel dersom du har budd i utlandet i meir enn 10 år. I dette tilfelle må du søka om innføring i manntalet i den kommunen som du sist var folkeregistrert for at røysta di skal verta godkjent.