Høyring - Forslag til kommunale mål for hjorteviltforvaltninga i Kvinnherad for perioden 2026-2030
Kvinnherad kommune sender med dette på høyring forslag til kommunale mål for hjorteviltforvaltninga i Kvinnherad kommune for perioden 2026-2030
Forslaget er lagt ut til offentleg høyring i 6 veker, med frist for innspel innan 30. mai 2026.
Bakgrunn
Forskrift om forvaltning av hjortevilt(FOR-2016-01-08-12) har krav om at kommunane vedtek kommunale mål for hjorteviltforvaltninga:
- 3.Mål for forvaltning av elg, hjort og rådyr
Kommunen skal vedta mål for utviklingen av bestandene av elg, hjort, og rådyr der det er åpnet for jakt på arten(e). Målene skal blant annet ta hensyn til opplysninger om beitegrunnlag, bestandsutvikling, skader på naturmangfold, jord- og skogbruk og omfanget av viltulykker på veg og bane.
Måla som blir sette skal vera styrande for forvaltninga, og legg føringar for arbeidet med denne både for kommunen sjølv og for hjorteviltvalda i kommunen. Måla blir føreslegne for kommande 5 års periode, og legg opp til rullering etter slikt intervall.
For Kvinnherad vil måla setje rammer for utviklinga av bestandar av hjort og rådyr. Måldokumentet legg vidare m.a. føringar for kommunen sitt arbeid, samt prioritering i bruk av viltfond.
Kvinnherad kommune har ikkje hatt mål formalisert tidlegare. Prosessen med etablering av kommunale mål vil gi verknad for mange og blir derfor lagt ut til offentleg høyring.
Høyringsuttalar kan sendast til:
Kvinnherad kommune, Rosendalsvegen 10, 5470 Rosendal eller på e-post til: post@kvinnherad.kommune.no
Innspel skal merkast med referanse 2026/2454
Vedlagt i høyringa:
Sist oppdatert