Varsel om utvida plangrense – Detaljregulering for Røysaneset industribase – Høylandsbygd – 202/140 med fleire

Nordplan Stord AS (tidlegare ABO Plan & Arkitektur Stord AS) varslar på vegne av forslagsstillar Røysaneset industribase AS og Halsnøy industribase AS om utvida plangrense. Føremålet med detaljreguleringa er å leggje til rette for maritim industri med tilhøyrande infrastruktur Grunneigarar er varsla av Nordplan Stord AS. Planområdet er 505 daa.

I planprosessen er det gjennomført innmåling av eksisterande situasjon langs tilkomstvegen. Plangrensa vert varsla utvida med føremål om tilpassing til eksisterande og nye tiltak for utbetring av vegen når det gjeld trafikksikring langs kommunal veg, men også med føremål om å sikre siktforholda. I tillegg er plangrensa redusert.

Plankart datert 17.03.2026 viser endringane av plangrensa. Raud skravering viser utvidingar av plangrensa som varselet gjeld, og svart stipla linje viser plangrensa. Blå stipla linje viser varsla plangrense ved oppstart av planarbeidet i 2024.

Planavgrensing pdf, 1015 kB, åpnes i nytt vindu.

Justert planavgrensing + grense pdf, 1 MB, åpnes i nytt vindu.

Les meir om planarbeidet i planregisteret: https://arealplaner.no/kvinnherad4617/arealplaner/360?term=R%C3%B8ysaneset Lenke til et annet nettsted, åpnes i nytt vindu.

Informasjonsmøte

Nordplan Stord AS inviterer til informasjonsmøte 25.03.2026 kl. 16:30 i administrasjonsbygget (kantina) i Tronds Marine i Røysanesvegen 18. Føremålet med informasjonsmøte er å orientere om planforslaget før saka vert sendt inn til behandling.

Innspel

Innspel til utvida plangrense kan sendast skriftleg på e-post til khr@nordplan.no innan frist 16.04.2026. Alternativt som brev til Nordplan Stord AS, Postboks 32, 5401 Stord.