Offentleg ettersyn Rosendal Hyttetun og Camping - Neslia

Plan- teknikk- og miljøutvalet i Kvinnherad vedtok 10.03.2026, sak 2026/16, at forslag til detaljregulering for del av 81/181, 81/188, 81/197 med fleire - Rosendal Hyttetun og Camping - Neslia - PlanID 20210004, vert sendt på høyring og lagt ut til offentleg ettersyn. Dette på gjevne vilkår jf. saksutgreiinga. Plankarta og planomtale er datert 11.11.20205, og føresegner er datert 27.11.2025.

Vilkår jf. saksutgreiinga er som følgjer:

• Tema om estetikk og tilpassing/sol- og lystilhøve oppdaterast
• Tilkomst/parkeringssituasjonen/snutilhøve for fritidsbustad FBF1 oppdaterast
• Vegteikningar/høgdeplassering for veg f_V6 oppdaterast
• Universell utforming/tilgjengelege utleigeleilegheiter oppdaterast og justerast
• Tema om utnyttingsgrad og uteopphaldsareal oppdaterast og justerast
• Kommenterte felta jf. saksutgreiinga oppdaterast og justerast
• Kostnadsoversikt justerast jf. uttale frå kommunen si VA- avdeling, og oppgraderast til 87 einingar og 1,74 l/s
• Plankart, føresegner og planomtale oppdaterast og justerast jf. saksutgreiinga

Vilkåra må vere oppfylt etter offentleg ettersyn og før neste handsaming av planen.

Det er føresett oppheving av følgjande planar når ny plan vert vedteken:

• PlanID 19820008, Reguleringsplan for Neslia Industriområde, deler av gnr 81
• PlanID 20070007, Reguleringsplan for Rosendal SPA-hotell, gnr. 81 bnr. 112 og 118
• PlanID 20110022, Reguleringsplan for 81/181 - Rosendal Hyttetun

Plankartet kan de sjå her:

Plandokumenta finn de i planregisteret vårt her. Lenke til et annet nettsted, åpnes i nytt vindu.

Frist for merknadar til planforslaget er minst 6 veker, og vert sett til 30.04.2026.

Merknad sendast inn via skjema her Lenke til et annet nettsted, åpnes i nytt vindu. innan fristen.

Alternativt kan merknad sendast inn på e-post til post@kvinnherad.kommune.no, eller som brev til Kvinnherad kommune, Rosendalsvegen 10, 5470 Rosendal.

Oppgje saksnummer 2022/2309 ved innsending av merknad på e-post eller som brev.

Om planforslaget

Bakgrunnen til planarbeidet er å vidareutvikle Rosendal Hyttetun og camping ved å legge opp til fleire nye tiltak, og for å gjere området meir attraktivt for turistar og campingmogelegheiter i Neslia.

Ein vil mellom anna å legge ut ein bølgebrytar ved eksisterande molo for å få betre tilhøve i småbåtanlegga innanfor moloen, regulere for to grillhytter og for fleire campingplassar i planområdet.

Eksisterande bygg på gamle Lio sag er no planlagt som eit kombinert bygg med blant anna utleigeeiningar til fritid- og turisme, resepsjon og kontor.

Det er også føreslege eit større leilegheitsbygg for utleige til fritid- og turisme.

Ved spørsmål, ta kontakt: anne.lise.naes@kvinnherad.kommune.no