Kunngjering av vedtak - Detaljregulering for Bondhus - Sundal turist- og friluftsområde

Kommunestyret i Kvinnherad kommune godkjente detaljregulering for Bondhus-Sundal turist- og friluftsområde – 59/1, 60/1 med fleire (PlanID 20220001) jf. plan og bygningslova § 12-12 i møte 19.02.2026. Planen har som føremål å leggje til rette for stadutvikling, trafikksikring, friluftsliv og besøksforvaltning i Sundal og Bondhus.

Plandokument er tilgjengeleg her: https://arealplaner.no/kvinnherad4617/arealplaner/350?term=sundal Lenke til et annet nettsted, åpnes i nytt vindu.

Planstatus: Endeleg vedtatt

Saksnummer: 2022/581

Plantype: Offentleg detaljregulering

PlanID: 20220001

Forslagsstillar: Kvinnherad kommune

Plankonsulent: 3RW Arkitekter

Følgjande gjeldande reguleringsplanar er delvis føresett oppheva:

• Reguleringsplan – Fv 49 – Ænes-Austrepollen – Statens Vegvesen, 19950002Lenke til et annet nettsted. Lenke til et annet nettsted, åpnes i nytt vindu.
• Bebyggelesplan 60/4, Sveinung Sandvik, Mauranger, PlanID 20050020 Lenke til et annet nettsted, åpnes i nytt vindu.

Planen har som føremål å leggje til rette for stadutvikling for innbyggjarar, besøkande og næringsdrivande. Planområdet utgjer innfallsporten til Bondhusvatnet som besøksmål som ligg i og ved verneområda Bondhusdalen landskapsvernområde og Folgefonna nasjonalpark. Det er regulert for parkering med oppstillingsplassar for bussar i Bondhusdalen, samlokalisert med toalettfasilitetar. Planen legg opp til at det kan etablerast innfallsport for nasjonalparken i området. Planen regulerer vidare fortau langs Bondhusvegen med møteplassar.

Sundal er nærsenter i kommuneplanens samfunnsdel (KPS), og planforslaget opnar for sentrumsområde for å leggje til rette for vidare utviking av staden. Plangrepet omfattar regulering av samanhengande torg, gatetun, blågrøn struktur og kai som kan utviklast vidare som møteplassar i samsvar med kulturmiljøet. Blågrøn struktur skal vidare sikre kantvegetasjon langs elvebreidda, og hindre nedbygging av strandsona.

Det er vidare lagt til rette for utvikling av kombinerte føremål i Sundal sentrum. Vidare utvikling av eigedommane vil krevje ny tilkomstveg. I tillegg til trafikksikring har føremålet vore å samla avkøyrslar langs Sunndalsvegen for å sikre samanhengande fortau. Ny leikeplass er i større grad skjema frå ytre påverknad i nærleiken av sentrum. I sentrum er busshaldeplassar for kollektivtransport er plassert nærmare sentrumsområda, og er utforma som kantstopp. Føremålet er at fleire kan nytte kollektivtransport i framtida. Planvedtaket omfattar vidare at gangbru frå 59/1 til 59/10 vert fjerna med omsyn til påverknad på eksisterande bustadområde, og det er regulert for privat kai i Sundal.

Eit anna hovudføremål er å styre arealbruk for parkering, og det er lagt til rette for parkering i Sundal sentrum. Isvegen har som føremål å vere turveg frå sentrum til Bondhusdalen på vestsida av elva, og planforslaget sikrar at denne kan opprustast i samsvar med kulturminneverdiane i kulturlandskapet. Generelt innehar planområdet store verdiar tilknytt landbruk, landskap, friluftsliv, kulturminne og naturmangfald, og har delvis negativ påverknad på desse.

Klage

Vedtaket kan påklagast dersom du har rettsleg klageinteresse, som part i saka, jf. fvl § 28.

Det er viktig at du sett deg inn i plandokumenta før du sender inn klagen. Klagen skal vera skriftleg, med følgjande innhald:

• Oppgje vedtaket du klager på (saksnummer/plannamn)
• Klagen skal grunngjevast
• Klagen bør omtale:

• Arealføremål (til dømes parkering) med feltnamn (f_P8) som du finn i plankartet
• Tilhøyrande paragrafer som du finn i føresegna
• Gards- og bruksnamn for området du viser til
• Kva du meiner bør endrast
• Legg gjerne ved kartutsnitt
• Eventuell ny informasjon eller dokumentasjon ikkje tidlegare er vurdert i planprosessen

Planen er juridisk bindande frå vedtakstidspunktet. Du kan be om at vedtaket ikkje trer i kraft (får oppsettande verknad), medan klagen handsamast. Oppsettande verknad må har særskilt grunngjeving.

Klage kan sendast inn til post@kvinnherad.kommune innan klagefrist. Alternativt som brev til Kvinnherad kommune, Rosendalsvegen 10, 5470 Rosendal.

Klagefrist er 3 veker frå kunngjering for vedtaket jf. fvl §§ 29-30.

Administrasjonen vurderer om klagen skal handsamast, og førebur deretter klagesaka for politisk handsaming. Kommunen vurderer om klagen skal takast til følgje eller ikkje. Dersom kommunen opprettheld sitt vedtak, vert klagen vidaresendt til Statsforvaltaren i Vestland for endeleg avgjerd.

Innløysing og erstatning

Kommunen viser vidare til grunneigar si rett til å krevje innløysing jf. pbl § 15-2 og erstatning ved tap av reguleringsplan jf. pbl § 15-3.

Spørsmål

Ta kontakt med post@kvinnherad.kommune ved spørsmål.