Høyringsbrev - Reviderte vedtekter for SFO frå 01.05.2026
Kvinnherad kommune sender med dette framlegg til reviderte vedtekter for SFO på høyring. Dette i tråd med fvl. § 37. Høyringsperioden er sett til åtte veker.
Høyringsinstansar er rådsorgana i barnehagar og skular, tilsette og andre som har interesse i saka.
Frist for å gi høyringsuttalar er sett til 27.03.2026.
Bakgrunn
Forslag om endring gjeld kun ferie-SFO i august før skuleåret startar. Administrasjonen har fått innspel frå SFO-tilsette om at det er vanskeleg å planlegge kven som skal jobbe på ferie-SFO i august, sidan frist for å seie opp innvilga plass for elevar er 15. juni. Forslaget om endring går ut på å redusere tal på lokasjonar frå 6 til 2.
Føreslått endring av vedtektene, § 6 i 3. avsnitt:
«Ferietilbod i haust- og vinterferie i tillegg til etter skuleåret er ferdig (juni) er lokalisert ved skulane på Halsnøy, Valen, Sunde, Uskedalen, Husnes barneskule, Hatlestrand og Malmanger.
Ferietilbod før skuleåret startar (august) og i jule- og påskeferie er samlokalisert på Husnes barneskule og Malmanger skule.
Dersom det kjem søknader om plass i august ved andre skular enn Husnes og Malmanger og tal på søknader er slik at det kan opprettast tilbod, vil administrasjonen vurdere snarleg etter søknadsfristen om ein opprettar tilbod også ved den lokasjonen.»
Under same paragraf og overskrift «Skulefritidsordninga i Kvinnherad har følgjande tilbod:» blir stjerne endra i bokstav g, og forklaring til stjernene endra til:
*Ferietilboda er samlokalisert ved Husnes barneskule og Malmanger skule.
** Ferietilboda er lokalisert ved skulane på Halsnøy, Valen, Sunde, Uskedalen, Husnes barneskule og Malmanger.
I revideringa er Undarheim skule endra til Husnes barneskule.
Innhald
Kommunale vedtekter for SFO skal sikre informasjon som gir føresette grunnlag til å vurdere innhald og kvalitet. I tillegg skal vedtektene sette rammer som sikrar at tilbodet er føreseieleg. Kommunalt vedtekne vedtekter er forskrift som gir rammer og regulerer SFO-tilbodet i kommunen.
Høyringa
Høyringa skal gi moglegheit for foreldre, føresette, barn og unge til å seie si meining.
Alle kan sende inn høyringsuttale. Ei uttale kan vere privat, eller ei samla uttale frå t.d. rådsorgan som FAU, elevråd eller liknande.
Dersom det er ønskeleg å lese meir om bakgrunn for revideringa, kan dette vere nyttige lenkjer:
- Sak i Levekårsutvalet 27.01.2026, lenke til møtet her Lenke til et annet nettsted.
- Noverande vedtekter for SFO her pdf, 242 kB, åpnes i nytt vindu.
Høyringsbrevet vert sendt til leiinga ved alle barnehagar og skular og hovudtillitsvalte
Vi ber om at barnehage- og skuleleiinga og tillitsvalt formidlar høyringsbrevet vidare til rådsorgan (FAU, SU, elevråd) og plasstillitsvalt og tilsette i eiga eining.
Innsending av høyringssvar
Høyringsuttalar skal sendast til post@kvinnherad.kommune.no
Merk: Forskrift om SFO
Frist for innsending: 27.03.2026
Høyringsuttalane er offentlege etter offentleglova, og vil bli publisert på Kvinnherad kommune si postliste.
Oppfølging av høyringa
Forslag til revidert forskrift om SFO vert gitt til Levekårsutvalet 14.04.2026. Etter vedtak i Kvinnherad kommunestyre vil ny forskrift vere gjeldande frå 01.05.2026.
Sektor oppvekst
30.01.26
Sist oppdatert