Melding om oppstart av detaljregulering for Fjellhaugen aktivitetsområde - Matre

Gjeld del av 251/1, 16, 40 og 252/1, 1/1 med fleire - Kvinnherad kommune - PlanID 20250001

I samsvar med plan- og bygningslova § 12-8 vert det med dette meldt at oppstart av arbeid med kommunal detaljregulering for Fjellhaugen aktivitetsområde - Matre – del av gnr. 251, bnr. 1, 16, 40 og gnr. 252, bnr. 1 m.fl. Planarbeidet vert utført av Prosjekt- og utvikling i Kvinnherad kommune på vegne av Kvinnherad kommune.

Planområdet er ca. 794,4 daa. Kommunen sitt ønskje for området er å utvikle areala i nåverande idrettsanlegg (Fjellhaugen skisenter) til ein meir heilårets, klimatilpassa aktivitetsområdet til både vinter- og sumaraktiviteter.

Varmare klima har ført til vesentleg mindre snø og det har vore få opningsdagar i alpintrekket. Både sesongen 2024 og sesongen 2025 har hatt få og ingen opningsdagar. Det er her selskapet historisk har henta hovuddelen av inntektene sine, i framtida må ein truleg satse meir på aktivitetar som er tilpassa det klimaet ein har i området.

Etablering av dagsturhytte og oppgradering av sti til denne har medført bruk av området i ein heilt anna skala utanom vintersesongen enn tidlegare. Blådalen er eit viktig rekreasjonsområde for innbyggarane og tilreisande til Kvinnherad.

Det vart halde oppstartsmøte 17.10.2025, der det var einigheit om at planarbeidet utløyser krav om konsekvensutgreiing (KU).

I saksutgreiing til saksframlegg i Formannskapet frå den 15.05.2025 vart det spesifisert om at reguleringsplanen bør legge til rette for:

• Parkeringsplass med betre fasilitetar for idrettsfolket (toalett, dusj, garderobe etc)
• Mogelegheit for bubilparkering med straumstolpar og tilrettelagt oppstillingsplass etc.
• Rulleskiløyper
• Skiskyttararena
• Skileikarena
• Andre ski- og fritidsaktivitets tilknytt arealbruk
• Tiltak rundt barneområde: Sikring, betre traséar. (Parksatsing)
• Betre fasilitetar for maskiner/utstyr: Eigen driftsgarasje/lagringshall
• Fjerning av stein/etc. for å sikre god framkommelegheit for beitepussar
• Vinsjefeste: Støypt plate i terrenget, i øvre del av løypetrasé.
• For idrettsformål ein planering/grunnpreparering av alpintraséar (drenering/grøfting samt terrengutjamning)
• Det er semje om at Kvinnherad kommune køyrer planprosess i tett dialog med Fjellhaugen Skisenter AS og andre relevante aktørar. Det er i.h.t. massebevegelser / overskotsmassar frå SKL utbygging til utvikling av området (Sunnhordland Kraftlag – SKL fekk løyve til å bygge ut Blåfalli Fjellhaugen kraftverk i april 2025) eit sterkt ynske om å utnytte massar til samfunnsnyttige formål.
• Det er dessutan relevant å ivareta/utbygge den trafikale infrastrukturen i området (Utbetring av tilkomstveg til anlegget, frå vegkrysset ved sørspissen av Fjellhaugvatnet).

Føremålet med reguleringsplanen er å detaljregulere idretts- og fritidsføremål knytt til eksisterande anlegg og fassiliteter, samt tilhøyrande infrastruktur for vegtilkomst.

Detaljplanen skal ikkje bare vere ein stadfesting av den nåverande tilstand men ein klar vurdering av alle framtidige tiltak, føremål og utgreiingspunkt også utover planforslaget sin grense, for ein gjennomtenkt og framtidsretta arealforvaltning.

1. Offentleg eller privat tjenesteyting
2. Bevertning
3. Skianlegg
4. Skiskyteranlegg
5. Vann- og avløpsanlegg
6. Renovasjonsanlegg
7. Kombinert bebyggelse- og anleggsføremål
8. Samferdselsføremål inkl. parkering, siktsonar, snuplass og anna veggrunn.
9. Grønt føremål; t.d. vegetasjonssjerm
10. LNF-området med diverse underføremål

Oppstartsmelding, planinitiativ, referat frå oppstartsmøtet, oversiktskart, tiltaksanalyse, forenkla planinitiativ og KU-vurdering finn de òg på kommunen sine nettsider/planregisteret.

Moglege merknadar og synspunkt til varsel om oppstart skal sendast skriftleg til:

1.Kvinnherad kommune, Rosendalsvegen 10, 5470 Rosendal

2.e-post: post@kvinnherad.kommune.no

3.Skjema for innspel på heimesida (https://skjema.kf.no/formsengine/Home/Index Lenke til et annet nettsted.)

Høyringsfristen t.o.m. 02.01.2026 .

Etter at fristen for merknader er gått ut vil Kvinnherad kommune utarbeide eit planframlegg som inneheld planomtale, Konsekvensutgreiing, ROS-analyse, plankart og føresegner. Ferdig planforslag vil så verta sendt til 1. gongs politisk handsaming og etterpå vert planframlegget sendt på høyring og lagt ut til offentleg ettersyn. Det vil også då vera moglegheit for å koma med merknadar til planframlegget før ny politisk handsaming av planforslaget.