Varsel om oppstart av planarbeid med planprogram - Rullering av kommunedelplan for vassforsyning og avløp 2026 - 2034

Kvinnherad kommune varslar oppstart av planarbeid for rullering av kommunedelplan for vassforsyning og avløp 2026-2033 jf. plan- og bygningslova (pbl) § 11-1. Planprogram vert samstundes lagt på høyring og offentleg ettersyn jf. vedtak i plan-, teknikk- og miljøutvalet 14.10.2025 i sak 2025/39.

Frist for innspel til oppstart er 17.12.2025.

Planstatus: Oppstart og høyring/offentleg ettersyn av planprogram

Plantype: Kommunedelplan (tematisk) jf. pbl § 11-1

Forslagstillar: Kvinnherad kommune

Konsulent: Norconsult AS

Saksnummer: 2025/694

Føremål

Kommunedelplanen skal fastsetje dei overordna rammer kva for nokre tiltak knyt til vassforsyning og avløp som skal prioriterast i planperioden frå 2026 til 2033 i Kvinnherad. Det vil til dømes vera tiltak knytt til spreidd avløp. Gebyrordningar er vidare omfatta av planarbeidet.

Føremålet med rullering av kommunedelplanen er vidare å sikre oppfølging av gjeldande lovverk og EU-direktiv som gjev føringar for vatn og avløp.

Det er vurdert at kommunedelplanen utløyser krav om konsekvensutgreiing jf. Forskrift om konsekvensutredninger §§ 6-10 dersom planarbeidet skal fastsetje lokalisering for reinseanlegg for spillvatn.

Planarbeidet er forankra i gjeldande planstrategi for Kvinnherad kommune 2024-2028.

Les meir om planarbeidet i planprogrammet her pdf, 343 kB, åpnes i nytt vindu.:

Planprosess

Planprogrammet som no er på høyring og offentleg ettersyn gir ein oversikt over det vidare planarbeidet for rullering av kommunedelplanen. Du kan påverke planarbeidet ved å sende innspel til oppstart av planarbeidet.

Etter at frist for innspel er utgått vil kommunen handsame innkomne innspel, før planprogrammet vert klargjort for vedtak i kommunestyret.

Det vidare planarbeidet vil byggje vidare på planprogrammet, og planforslag til kommunedelplan vil sendast på høyring og offentleg ettersyn for vidare medverknad. Deretter vert planforslaget revidert før endeleg vedtak i kommunestyret.

Innspel til planarbeidet

For å medverke i planarbeidet kan du sende inn innspel til kommunen innan frist 17.12.2025.

Innspel kan sendast til post@kvinnherad.kommune.no.

Legg inn følgjande tekst i emne i e-post: Innspel -Kommunedelplan for vassforsyning og avløp 2026-2033. Oppgje deretter saksnummer i e-post: 2025/694.

Innspel kan alternativt sendast som brev til Kvinnherad kommune, Rosendalsvegen 10, 5470 Rosendal.

Informasjonsmøte

Kvinnherad kommune inviterer til informasjonsmøte 05.11.2025 kl. 15:00 i Black Box på Kvinnherad kulturskule, og det vert høve til å stille spørsmål om planarbeidet.

Spørsmål

Ta kontakt med Eining for Vatn og avløp ved spørsmål.