Kunngjering av vedtak – Endring etter forenkla prosess – Detaljreguleringsplan for 163/1, 163/4, 163/14 og 163/15 – Akvakulturanlegg Øyarhamn, PlanID 201200010

Plan, teknikk og miljøutvalet vedtok i møte 10.06.2025 endring av detaljreguleringsplan for 163/1, 163/4, 163/14 og 163/15 - Akvakulturanlegg Øyarhamn (PlanID 201200010) etter forenkla prosess jf. plan- og bygningslova § 12-14. Planområdet omfattar eksisterande akvakulturanlegg i Øyarhamn på Varaldsøy. Det gjelder akvakulturlokalitet 12032. Forslagsstillar er MOWI ASA.

Planstatus: Vedtatt endring etter forenkla prosess

Plantype: Privat detaljregulering

Forslagsstillar: MOWI ASA

Plankonsulent: Omega 365 Areal

Saksnummer: 2024/1318

Kunngjeringsdato: 20.06.2025

Vedtaksdato: 10.06.2025

Om endringa

Det vart søkt om endring etter forenkla prosess med føremål om å leggje til rette for utviding av kaianlegg med utfylling i sjø, småbåtanlegg og leggje til rette for sjøpumpeanlegg med justeringar i plankart og føresegn. Eksisterande detaljregulering var vedtatt 25.04.2013 etter plan- og bygningslova av 2008. Byggegrense mot sjø er justert i samsvar med tiltaka.

Som følgjer av at plangrunnlaget er eldre enn 10 år er det gjennomført justeringar med føremål om å sikre eit plangrunnlag som i større grad er oppdatert. Endringane omfattar dokumentasjons- og rekkefølgjekrav i forhold til massehandtering, avfallshandtering, energi, vegutbetring, vatn- og avløp, utsleppsløyve, luftforureining og vidare krav om at det skal utarbeidast illustrasjonar som syner påverknad på omgjevnadane på byggesaksnivå.

Det er samstundes utarbeida kunnskapsgrunnlag for naturmangfald i sjø, og gjennomført geoteknisk vurdering i samsvar med NVE rettleiar1/2019 Sikkerhet mot Kvikkleireskred. Det er vidare lagt inn flaumsone ved Øyarhamnselva vist som omsynssone. ROS-analyse er oppdatert som del av endringsomtale. SEKFRAK-registeret bygningar som er fjerna og faresone for høgspent er tatt ut av planen.

Les meir om endringa i plandokumenta som er tilgjengeleg i planregisteret: https://www.arealplaner.no/kvinnherad4617/arealplaner/248?term=%C3%B8yarhamn Lenke til et annet nettsted, åpnes i nytt vindu.

Detaljreguleringa er straks binande for framtidig arealbruk og tiltak innanfor planområdet.

Om klage

Vedtaket er eit enkeltvedtak som kan påklagast av den part som har rettsleg klageinteresse i saka jf. forvaltningslova (fvl) § 28, og klagefrist er 3 veker frå tidspunktet vedtaket har kommen til parten jf. fvl § 29. Vedtaket er kunngjort med brev til partane i saka. Klage må grunngjevast, og merkast med saksnummer 2024/1318.

Klage kan sendast til post@kvinnherad.kommune.no, eller som brev til Kvinnherad kommune, Rosendalsvegen 10, 5470 Rosendal, innan 3 veker.