Høyring og offentleg ettersyn - Detaljregulering for 64/160 med fleire - Bustader og naust Ænesvika – Ænes, PlanID 20130004

Plan-,teknikk- og miljøutvalet vedtok i møte 06.05.2025 at planforslag til detaljregulering for 64/160 med fleire – Bustader og naust – Ænesvika – Ænes (PlanID 20130004) skal sendast på høyring og offentleg ettersyn. Vedtaket er gjort på vilkår angitt i saksprotokoll.

Planstatus: Høyring og offentleg ettersyn

Plantype: Privat detaljregulering

PlanID: 20130004

Forslagstillar: Lien Eiendomsservice

Plankonsulent: Boxs Arkitektstudio

Historikk

Planarbeidet har lang historikk sidan oppstart i 2011, og planforslaget har vore behandla i politiske utval tidlegare. Planforslaget vart ikkje sendt på høyring og offentleg ettersyn etter vedtak i forvaltningsutvalet i 2021. Saka vert etter nytt vedtak i plan-, teknikk- og miljøutvalet 06.05.2025 sendt på høyring og offentleg ettersyn.

10.12.2008 Forvaltningsutvalet vedtok at planarbeidet ikkje skulle startast opp.

05.01.2009 Klage på vedtak

05.02.2009 Klagebehandling i Kommunestyre med vedtak om oppstart av planarbeidet.

14.09.2010 Oppstartsmøte

17.02.2011 Oppstart av planarbeid

02.10.2013 1. gangsbehandling i Forvaltningskomiteen

09.12.2013-24.01.2014 Høyring og offentleg ettersyn

18.06.2014 2. gangsbehandling i Forvaltningskomiteen med vedtak om utsetting

27.08.2014 Synfaring

01.10.2014 2. gongsbehandling i Forvaltningskomiteen

09.10.2014 2. gangsbehehandling i Formannskapet

23.10.2014 2. gangsbehandling i Kommunestyret (vedtak)

31.10.2014 Klage på vedtak

04.02.2015 Klagebehandling i forvaltningskomiteen

06.11.2015 Klagebehandling av Fylkesmannen med oppheving av kommunestyret sitt vedtak 23.10.2014.

10.03.2021 Synfaring i Forvaltningsutvalet

10.03.2021 1. gangsbehandling i Forvaltningsutvalet med vedtak om at saka sendast tilbake til administrasjonen

14.09.2021 1. gangsbehandling i Forvaltningsutvalet med vedtak om høyring og offentleg ettersyn på vilkår.

Om planforslaget

Planforslaget har som føremål å leggje til rette for bustadutvikling på Ænes innanfor BF1 og BF2. Planområdet omfattar eksisterande spreidd bustadbebyggelse innanfor BF, og legg til rette for nye bustadeigedommar med einebustadar. I den vidare planprosessen skal det utgreiast om planområdet er egna for tomannsbustadar som bustadtype. Gardsvegen er tilkomstveg for bustadområde som eksisterande veg. Planforslaget viser at BF1 har tilkomst frå f_V4 og BF2 frå f_V3. Innanfor bustadområde er leikeplass er vist som f_LEK1 og renovasjonsanlegg som f_RA. For å sikre auka gongtilgjegelegheit er snarveg føreslått frå bustadområde til Ænesvegen mot strandsona. Snarvegen er ikkje universell utforma.

Langs Ænesvegen (Fv 500) er eksisterande busshaldeplasser vist som o_KH1 og o_KH2. Detaljregulering for deler av 64/7 m.fl. - Hytte - og naustområde Ænestangen (PlanID 20120003) vert delvis oppheva som følgjer av planvedtak. Det gjelder areal som er overlappande for Fv500 Ænesvegen.

I eksisterande naustområde er det tillate å etablere to nye nausteiningar. Småbåtanlegg i sjø er vist som SMB, og det er lagt til rette for 6 båtplassar. I den vidare planprosessen skal plassering av småbåtanlegget tydeleggjerast med føremål om å sikre standsona for allmennheiten i større grad. Parkeringsplass er vist på PP. Kaianlegget skal sikre tilstrekkeleg snuareal, og kan nyttast til båtslepp og allmenn bruk. Naturområde er vist som GN1 og GN2 i strandsona, og planforslaget sikrar leikeplass i området.

Det er ikkje utarbeida konsekvensutgreiing av planforslaget. Planforslaget har konsekvensar for dyrka mark som vert råka, og det er sett vilkår om at matjord som skal omdisponerast skal takast vare på å nyttast til matproduksjon som skal følgjast opp i den vidare planprosessen.

Les meir om planforslaget i plandokumenta tilgjengeleg i planregisteret Lenke til et annet nettsted, åpnes i nytt vindu..

Planstatus

I gjeldande kommuneplan for Kvinnherad 2016-2026 vedtatt 22.03.2018 er bustadføremålet som er føreslått i planforslaget er avsett til framtidig landbruk-, natur- og friluftsområde (LNFS) i gjeldande kommuneplan. I kommuneplanen er det avsett naustområde med byggegrense, og i sjø er det avsett bruk og vern av sjø og vassdrag med tilhøyrande strandsone. I tillegg er støysone (gul sone jf. T-1442) angitt som hensynsone (H220_5) langs Ænesvegen. Støysone skal følgjast opp i den vidare planprosessen. Planforslaget er difor ikkje i samsvar med gjeldande kommuneplan, særskilt for bustadområde med tilhøyrande infrastruktur og småbåtanlegg i sjø.

Korleis medverke?

For å medverke i den vidare planprosessen kan du sende inn merknad.

Merknad til planforslaget sendast inn via skjema her Lenke til et annet nettsted, åpnes i nytt vindu., eller som brev til Kvinnherad kommune, Rosendalsvegen 10, 5470 Rosendal, innan frist 26.06.2025.

Når merknadsfristen er utgått vert merknader handsama. Det vert vidare gjennomført justeringar av planforslaget før sluttvedtak. Når planforslaget er vedteken vert det straks bindande for arealbruk innanfor planområdet. Eit planvedtak er eit enkeltvedtak som kan påklagast.