Kommunekart

Detaljregulering for Ølve industribase

I samsvar med plan- og bygningslova § 12-8 vert det med dette meldt at oppstart av arbeid med detaljregulering for Ølve industribase – 12/167 mfl. Planarbeidet vert utført av ABO Plan & Arkitektur Stord AS på vegne av tiltakshavar Ølve Bruk AS.

Planområdet er ca. 174 daa, og omfattar heile eller deler av eigedomane: Gnr. 12/1, 3, 5, 10, 29, 39, 45, 54, 57-58, 62, 74, 83, 138, 141 og 167. Næringsaktiviteten er i hovudsak planlagd på gnr. 12/167, 62, 39, 45, 141 og potensielt bnr. 10.

Plangrensa vil kunne verta redusert til å berre omfatte areal som det er trong for å regulere som del av planarbeidet.

Det vart halde oppstartsmøte 19.12.2024, der det var einigheit om at planarbeidet utløyser krav om konsekvensutgreiing og planprogram. Planprogrammet vert saman med varsel om oppstart sendt på høyring, jf. pbl § 12-9. Dette finn de på kommunen og ABO sin nettstad.

Plan-, teknikk- og miljøutvalet i Kvinnherad kommune hadde saka oppe til orientering i møte 21.01.2025 (saksnr. 2025/1). I møtet vart utvalet orientert om ny plangrense ifht. den som vart lagt fram i oppstartsmøtet, samt merknad angåande feil i oppstartsreferat i.h.t. krav om KU i samanheng med konsesjonshandsaming.

Hovudføremålet med reguleringsplanen er å detaljregulere areal avsett i kommuneplanen sin arealdel til næringsføremål i Ølve. Areala er knytt til eksisterande verksemder, samt ønske om å regulere for sjøtilknytt næring, t.d. landbasert oppdrett eller anna maritim næring, samt tilhøyrande infrastruktur for vegtilkomst. I tillegg er sjøareal del av planområdet for å kunne regulere kai og hamneområde, samt plassering av inntaksleidning for sjø- og ev. ferskvassleidning.

Planområdet omfattar eksisterande reguleringsplan Ølve, del av Ølve gnr. 12 (ME), vedteken 22.05.1978 (sjå planprogrammet for fleire detaljar). Landområdet er regulert til industri, offentleg/privat tenesteyting, park og bustad, samt samferdselsføremål. Sjøområdet er regulert til friluftsområde i sjø og vassdrag. Deler av planen frå 1978 vil verta erstatta av ny reguleringsplan for Ølve industriområde som det no vert varsla oppstart på.

Oppstartsmelding, planinitiativ, referat frå oppstartsmøtet med kommunen og planprogram finn de òg på kommunen sine nettsider/planregisteret, samt på ABO sin nettstad.

Moglege merknadar og synspunkt til varsel om oppstart og planprogrammet skal sendast skriftleg til:

ABO Plan & Arkitektur Stord AS, Postboks 32, 5401 Stord

Eller e-post: poststord@abo-ark.no / turid@abo-ark.no Innan høyringsfristen: 10.06.2025 (6 vk.)

Etter at fristen for merknader er gått ut vil konsulentfirma ABO utarbeide eit planframlegg som inneheld planomtale, plankart og føresegner. Ferdig planforslag vil så verta sendt kommunen for handsaming. Etter 1. gongs politisk handsaming, vert planframlegget sendt på høyring og lagt ut til offentleg ettersyn. Det vil også då vera moglegheit for å koma med merknadar til planframlegget før ny politisk handsaming av planforslaget.

Lenke til kommunekart: PlanID 20240004 Lenke til et annet nettsted, åpnes i nytt vindu.