Utvida plangrense i pågåande planarbeid, Opsanger – Porsvik

I samsvar med plan- og bygningslova §§ 12-8, 3-7 vert det med dette varsla om utvida plangrense / varslingsgrense i pågåande arbeid med Detaljregulering for fv. 500/548/5026 Opsanger – Porsvik, 154/245, 187/39 m. fl. PlanID 20230007.

Dette gjeld Opsangervegen, Toralivegen og Sundvikvegen. Planen vert no utvida til også å omfatte «Svingen»/kurva i FV 500 S6D1 ca. m9489 – Vikefjellsvegen.

Bakgrunnen for prosjektet

Manglande tilbod til gåande og syklande mellom tettstadene Husnes, Sunde og Valen. Gjennom denne planen skal fylkeskommunen sjå på ulike løysingar primært for å knyte saman tettstadane Husnes, Sunde og Valen med ein berekraftig og universelt utforma gang- og sykkelveg trasè.

Målsettingar

Prosjektet har som mål at det skal bli enklare og tryggare for syklande og gåande, og at trafikktryggleiken for alle trafikantgrupper skal verta betre. Planarbeidet vil primært difor omhandle tilrettelegging for mjuke trafikantar. Ein meir attraktiv og tryggare samanheng i gang- og sykkeltilbodet mellom nemnde tettstadar, vil auka talet på mjuke trafikkantar.

Skildring av tiltaket

Vestland fylkeskommune er i gang med å utarbeida reguleringsplan for etablering av ny sykkel- og gangveg som skal knyte saman tettstadane Husnes, Sunde og Valen, Ca 2,6 km lang trasè med gang- og sykkelveg skal byggjast.

Vestland fylkeskommune har i dialog med Kvinnherad kommune vurdert at det ikkje er behov for konsekvensutgreiing (KU) i planarbeidet.

I tillegg skal ein no planlegge for utbetring av kurve i Vikefjellsvegen.

Dette er avgjort ut i frå ei trafikksikkerheitsvurdering. Historisk sett har det også vore fleire ulykker og utforkøyringar i kurva. Vegforvaltning har nyleg gjort ei vurdering av strakstiltak, og vil leggja fram forslag om å skilte med skilt 102.1 i nordgåande retning. Nabokurva er stor, og trafikantane må foreta plutseleg fartsreduksjon og retningsendring når dei kjem inn i den aktuelle kurva/svingen. Ei utviding av reguleringsgrensa gjev oss moglegheit til å betra kurvaturen og sikttilhøva på staden. Dette vil etter vår vurdering ha stor samfunnsmessig nytte.

Barn og unge sine interesser vil verte eit viktig tema i planlegginga. Vegen er skuleveg for både barne- og ungdomskuletrinnet, sjå også tilbakemelding frå Valen Ungdomskule her: Kart innbyggerdialog Opsanger-Porsvik Lenke til et annet nettsted, åpnes i nytt vindu.

Vestland fylkeskommune ber med dette om innspel til utvida varslingsgrense som omfattar «Svingen» i Vikefjellsvegen.

De kan lese meir på fylkeskommunen si Prosjektside

Plandokument er også tilgjengeleg via planregister Lenke til et annet nettsted, åpnes i nytt vindu..

Innspelsfrist

Vestland fylkeskommune ber om at de sender synspunkt, innspel eller andre relevante opplysningar til oss innan 10.05.2025. Send det til oss skriftleg anten med vanleg post til Vestland fylkeskommune, Postboks7900, 5020 Bergen, med e-post til: post@vlfk.no Vestland fylkeskommune.

Når vi har laga eit utkast til reguleringsplan, kjem vi til å halde eit ope møte og/eller ein utekontordag der vi presenterer planutkastet før planen blir gjort ferdig og lagt ut til offentleg ettersyn. Dette blir annonsert.

Ta gjerne kontakt

Dersom de har spørsmål om planarbeidet, kan de også kontakte Nina Fredriksen på telefon 47667198 eller e-post: Nina.Marlen.Fredriksen@vlfk.no