Plan, teknikk og miljøutvalet vedtok i møte 11.03.2025 endring av detaljregulering for delar av 64/7 med fleire – Hytte- og naustområde – Ænestangen (PlanID 20120003) etter forenkla prosess jf. plan- og bygningslova (pbl) § 12-14.

Planstatus: Vedtatt endring etter forenkla prosess

Plantype: Privat detaljregulering

Forslagstillar: Knut Galtung Døsvig

Saksnummer: 2024/2915

Kunngjeringsdato: 28.03.2025

Vedtaksdato: 11.03.2025

Om endringa

Krav om felles rammesøknad for utbygging av frittliggjande fritidsbustadar innanfor FF/FRF, og det er lagt til krav om arkitektfagleg kompetanse i § 2.3. Føremålet med endringa er å leggje til rette for trinnvis utbygging, men samstundes sikre arkitektonisk utforming av fritidsbebyggelse på Ænestangen i forhold til landskapet. I tillegg er det gjort mindre tekniske justeringar som følgje av endringa. Vedtaket er samstundes gjort på følgjande vilkår med føremål om å sikre naturmangfald, sikker byggegrunn og utforming i §§ 2.2 og 2.5:

1. Farge- og materialbruk: Fasadar skal bestå av naturmaterial som treverk, steinmateriale eller liknande som dominerande materialbruk. Fargebruk skal vere dempa.
2. Tilstrekkeleg sikkerheit mot skred skal vere dokumentert i samband med byggeløyve.
3. Naturmangfald skal vurderast som dokumentasjon ved søknad om byggeløyve.

Grunngjevinga for vilkåra er at gjeldande detaljregulering er vedteken 22.11.2012, og kunnskapsgrunnlaget må difor vurderast ved søknad om byggeløyve for detaljregulering som ikkje er utbygd 10 år etter planvedtak jf. pbl § 12-14.

Les meir om endringa i plandokumenta som er tilgjengeleg i planregisteret. Lenke til et annet nettsted.

Detaljreguleringa er straks binande for framtidig arealbruk og tiltak innanfor planområdet.

Om klage

Vedtaket er eit enkeltvedtak som kan påklagast av den part som har rettsleg klageinteresse i saka jf. forvaltningslova (fvl) § 28, og klagefrist er 3 veker frå tidspunktet vedtaket har kommen til parten jf. fvl § 29. Vedtaket er kunngjort med brev til partane i saka. Klage må grunngjevast, og merkast med saksnummer 2024/2915.

Klage kan sendast til post@kvinnherad.kommune.no, eller som brev til Kvinnherad kommune, Rosendalsvegen 10, 5470 Rosendal, innan frist 18.04.2025.