Detaljregulering for 205/42 og 49 - Småbåtanlegg og fritidsbustad i Arnavik

Utlegging til offentleg ettersyn av detaljreguleringsplan for 205/42 og del av 205/49 med fleire - Småbåtanlegg og fritidsbustad i Arnavik - Halsnøy - PlanID 20220003

Plan- teknikk- og miljøutvalet i Kvinnherad kommune vedtek, i møte den 21.01.25; saksnr. 2025/5, med heimel i plan- og bygningslova §§ 12-10 og 11, at forslag til detaljregulering for 205/42 og del av 205/49 med fleire - Småbåtanlegg og fritidsbustad i Arnavik - Halsnøy - PlanID 20220003, vert sendt på høyring og lagt ut til offentleg ettersyn.

Frist for uttale skal vere minst 6 veker jf. pbl § 12-10. Utlegging skal kunngjerast i lokalpressa og i kommunen sine elektroniske media. Råka partar og instansar skal varslast.

Partar og instansar kan nytta seg av kommunale skjema for innsending av merknadar.

Planforslaget er utarbeida av forslagsstillar KA Eiendomsinvest AS v/ Kurt Arne Tyse gjennom fagkunnig ABO Plan & Arkitektur Stord AS v/ Kari Hilde Rommetveit.

Hovudføremålet med planen er å klårleggje arealbruk for etablert småbåtanlegg med tilhøyrande tilkomstveg og parkering samt eksisterande fritidsbustad med tilhøyrande anlegg, og verknadane av dei. Planen vil også legge til rette for etablering av nytt naust/fellesbygg på gbnr. 205/49 og vil ha fokus på å sikre ålmenn ferdsle og tilgjenge i og til sjø.

Oppstartsmøte vart halde den 22.02.2022 og det vart ikkje sett krav om planprogram, oppstart av planarbeidet vart varsla den 02.03.2022. Frist for merknader var sett til 01.04.2022. Det kom inn 8 innspel frå offentlege instansar (sjå i planomtale pkt. 9.). Ingen av dei innkomne brev frå dei offentlege instansar hadde varsel om motsegn til saken, men ein del sterke oppfordringar, føringar og nyttige merknader.

Etter varsel om oppstart (frist 01.04.22) vart det gjort ei mindre justering av planavgrensinga i sørvest (ca. 288 m2), og planområdet er utvida etter at vegtilkomsten og plassering av parkering for småbåtanlegget var avklara. Dagens plassering av parkeringsplassen på gbnr. 205/42 har vist seg å vanskeleggjer tilkomst til/frå kaiområdet og tilstrekkeleg snuareal. Den nye plasseringa av parkeringsplassen for småbåtanlegget er i tråd med eit tidlegare løyve frå 2014 (sak: 2014/586). Etter utvidinga måler planområdet ca. 13,4 daa.

Planområdet ligg i Arnavik på Halsnøy i Kvinnherad kommune og omfattar både areal i sjø og på land. I tillegg omfattar det også areal rundt tilkomstvegen og avkøyrsla mot Fv 5052.

Området vert føreslått regulert til samferdselsanlegg og teknisk infrastruktur (køyreveg, anna veggrunn, gangveg, kai og parkering), grøntstruktur (blågrøntstruktur og friområdet), bygg og anlegg (fritidsbustad, småbåtanlegg, naust), bruk og vern av sjø- og vassdrag (friluftsområdet i sjø- og vassdrag), omsynssoner (fri sikt, støy og ras), føresegnsområdet (vilkår for bruk) og juridiske linjer og punkt.

Vedtaket med saksutgreiing og tilhøyrande dokument følgjer som vedlegg.

Plandokumenta med vedlegg er også å finn i planarkivet vårt her:

Detaljreguleringsplan for 205/42 og del av 205/49 med fleire - Småbåtanlegg og fritidsbustad i Arnavik

Frist for merknadar til planforslaget er minst 6 veker, og vert sett til 04.04.2025.

Lenkje til skjema for merknad finn de her.

Fråsegn eller merknad kan også sendast som e-post til post@kvinnherad.kommune.no eller som brev til Kvinnherad kommune, Rosendalsvegen 10, 5470 Rosendal.

Ta kontakt ved spørsmål: ingo.bewer@kvinnherad.kommune.no