Høyring og offentleg ettersyn - Detaljregulering for Bondhus - Sundal turist- og friluftsområde - 59/1, 60/1 med fleire - PlanID 20220001
Høyring og offentleg ettersyn – Har du merknad til detaljregulering for Bondhus-Sundal turist- og friluftsområde – 59/1, 60/1 med fleire?
Plan-, teknikk- og miljøutvalet vedtok 26.11.2024 at Detaljregulering for Bondhus-Sundal turist- og friluftsområde – 59/1, 60/1 med fleire Lenke til et annet nettsted. (PlanID 20220001), sendast på høyring og offentleg ettersyn. Planforslaget er utarbeida av 3RW arkitekter AS på vegne av Kvinnherad kommune. Planarbeidet har som føremål å leggje til rette for stadutvikling, verdiskaping, trafikksikring, naturbasert turisme og friluftsliv i samsvar med viktige natur- og kulturverdiar.
Planstatus: Høyring og offentleg ettersyn
Saksnummer: 2022/581
Plantype: Offentleg detaljregulering
PlanID: 20220001
Forslagstillar: Kvinnherad kommune
Plankonsulent: 3RW Arkitekter
Følgjande gjeldande reguleringsplanar er delvis føreslått oppheva:
- Reguleringsplan – Fv 49 – Ænes-Austrepollen – Statens Vegvesen, 19950002
Lenke til et annet nettsted.
- Bebyggelesplan 60/4, Sveinung Sandvik, Mauranger, PlanID 20050020
Lenke til et annet nettsted.
Planområdet er om lag 145 daa, og plankartet er vist i kartløysinga nederst på sida.
Om planforslaget
Planforslaget har som føremål å leggje til rette for stadutvikling for innbyggjarar, besøkande og næringsdrivande. Planområdet utgjer innfallsport til Bondhusvatnet som besøksmål, og grensar dermed til verneområda Bondhusdalen landskapsvernområde og Folgefonna nasjonalpark.
Med aukande turisme som genererer trafikkale utfordringar er trafikksikring eit føremål. Planforslaget sikrar mjuke trafikkantar ved å leggje til rette for fortau, turvegar og møteplassar på dei mjuke trafikkantane sine premisser. Det skal også sikre trafikksikker tilkomst til friluftsområda. Samstundes er eksisisterande avkøyrslar utvida, og avkøyrslar frå fylkesvegen er redusert for å forbetre trafikktryggleiken i området. Busshaldeplassar for kollektivtransport er plassert nærmare sentrumsområda, og er utforma som kantstopp.
Eit anna hovudføremål er å styre arealbruk for parkering. Parkering for besøkande til Bondhusvatnet og på- og avstiging for besøkande som kjem med turistbussar er lokalisert øvst i Bondhusdalen. Planforslaget opnar også for å etablere innfallsport for nasjonalparken på parkeringsområdet, og samstundes leggje til rette for servicebygning med toalett. Planforslaget sikrar også parkering for besøkande og næringsdrivande i Sundal sentrum. Parkeringsløysingane har negativ påverknad på registert dyrka mark.
Plangrepet med samanhengande torg, gatetun, kaianlegg og blågrøn struktur bidrar til sosiale møteplassar i Sundal sentrum, og kan utviklast vidare i samsvar med kulturmiljøverdiane som det eksisterande bygningsmiljøet har. Blågrøn struktur skal vidare sikre strandsoneverdiane og kantvegetasjon langs elvebreidda. Ein legg også opp til moglegheita for etablering av gangbru for å forbetre gangtilgjenge ved utløpet av Bondhuselva. Leikeplass er i større grad skjema frå ytre påverknad i nærleiken av sentrum.

Foto: Kvinnherad kommune
Sundal er nærsenter i kommuneplanens samfunnsdel (KPS), og planforslaget opnar for sentrumsområder for å leggje til rette for vidare utviking av staden. Det er lagt til rette for ny tilkomstveg for sentrumsområda for å samle avkøyrslar, og dermed sikre samanhengande fortau langs fylkesvegen.
Isvegen har som føremål å vere turveg frå sentrum til Bondhusdalen på vestsida av dalen, og planforslaget sikrar at denne kan opprustast i samsvar med kulturminneverdiane i kulturlandskapet. I samband med planarbeidet er det registert fleire automatisk freda kulturminnar i Bondhusdalen. Generelt innehar planområdet store verdiar tilknyt landbruk, landskap, friluftsliv, kulturminne og naturmangfald.
Vedtaket om høyring og offentleg ettersyn i plan-, teknikk- og miljøutvalet er fatta på vilkår av gjennomføring av endringar i planforslaget før 2. gongsbehandling. Les meir om vilkåra i saksprotokollen i planregisteret. Vilkåra inneber deriblant justering av plankartet i samsvar med trafikksikringstiltak som Vestland fylkeskommune har gjennomført langs Sunndalsvegen. Merk at det inneber mindre justeringar av følgjande arealføremål før 2. gongsbehandling: BG1, o_FO1, o_AVG, o_TO1, o_KH1, o_TO2, o_FO3, o_PP2, f_PP1, LFNR og SF1.
Informasjonsmøte
Kommunen inviterer til informasjonsmøte 14.01.2025 17:00-19:00 i Olaløo (Bondhus 41, 5476 Mauranger).
Føremålet med informasjonsmøtet er å orientere om planforslaget, og innbyggjarar som ynskjer kan stille spørsmål. Informasjonsmøtet vert ikkje referatført, slik at det er viktig at du sendar inn merknad for å medverke i planprosessen.
Korleis kan du medverke?
For å medverke i den vidare planprosessen kan du sende inn merknad. Før du sendar inn merknad bør du setje deg inn i plandokumentene. I merknaden bør du belyse både positive og negative verknadar planforslaget har for dine interesser. Legg gjerne ved bilete eller kartutsnitt Lenke til et annet nettsted. for å illustrere din merknad.
Merknad til planforslaget sendast inn via skjema her Lenke til et annet nettsted., eller som brev til Kvinnherad kommune, Rosendalsvegen 10, 5470 Rosendal, innan frist 07.02.2025.
Når merknadsfristen er utgått vert merknader handsama. Det vert vidare gjennomført justeringar av planforslaget før sluttvedtak. Når planforslaget er vedteken vert det straks bindande for arealbruk innanfor planområdet. Eit planvedtak er eit enkeltvedtak som kan påklagast.
Har du spørsmål til planforslaget?
Dersom du har spørsmål om korleis planforslaget påverkar din eigedom eller interesse kan det sendast til sara.brattfjell.heggland@kvinnherad.kommune.no.
Kartutsnitt
Sist oppdatert