Me har fem ressurssjukepleiarar med vidareutdanning i palliasjon og ein fysioterapeut med utdanning i lymfedrenasje.
Dersom du blir ramma av kreftsjukdom eller er pårørande og treng hjelp til noko, eller berre ynskjer å snakke med nokon, kan du ta kontakt med kreftkoordinator, Marit Sjøvangen.
Kva kan kreftkoordinator hjelpa deg med?
- Koordinere tenester og vera eit ledd mellom pasient, kommunehelsetenesta og spesialisthelsetenesta.
- Heimebesøk med samtale, oppfølging og støtte til både pasientar og pårørande.
- Støtte og hjelp til born når mor eller far har kreft
- Støtte og hjelp til familiar med kreftsjuke born
- Råd til lindring av plagsame symptom
- Råd om kost og ernæring
- Informasjon om tenester, rettar og tilbod innan kreftomsorg både lokalt og nasjonalt.
- Jobba tverrfagleg, samarbeida med sjukehus, fastlege og andre relevante samarbeidspartar.
- Bidra med å søkja/skaffa naudsynte hjelpemiddel