Forskrift om folkevalde sin rett til godgjersle og velferdsgoder, Kvinnherad kommune, Vestland

DatoFOR-2020-05-14-3393
Ikrafttredelse15.05.2020
Gjelder forKvinnherad kommune, Vestland
HjemmelLOV-2018-06-22-83-§8-3, LOV-2018-06-22-83-§8-4, LOV-2018-06-22-83-§8-6, LOV-2018-06-22-83-§8-10
Kunngjort31.08.2022   kl. 14.45

Heimel: Fastsett av Kvinnherad kommunestyre 14. mai 2020 med heimel i lov 22. juni 2018 nr. 83 om kommuner og fylkeskommuner (kommuneloven) § 8-3, § 8-4, § 8-6 og § 8-10.

§ 1.Føremål

Forskrifta skal leggja til rette for brei rekruttering til kommunale tillitsverv gjennom økonomiske ordningar som gjer det mogeleg for alle å delta i lokalpolitikken.

§ 2.Verkeområde

Forskrifta gjeld for alle folkevalde organ i Kvinnherad kommune.

§ 3.Rett til dekning av utgifter og økonomisk tap

Den som har eit tillitsverv i Kvinnherad kommune har krav på

a.skyss-, kost- og overnattingsgodtgjersle for reiser i forbindelse med vervet.
b.dekning av utgifter som fylgje av vervet, også utgifter til andre for å utføra naudsynte arbeidsoppgåver, barnepass og andre omsorgsoppgåver ein må ha for å kunna utøva vervet.
c.erstatning for tapt inntekt som fylgje av vervet.

Krav etter fyrste avsnitt skal setjast fram så snart som mogeleg og seinast i månaden etter at kravet oppstod. Kvinnherad kommune nyttar elektroniske reiserekningar. Alle reiserekningar skal sendast elektronisk. Folkevalde som treng opplæring i å senda elektroniske reiserekningar skal få det. Opplæringsbehov melder ein til politisk sekretær. Krav etter fyrste avsnitt bokstav b eller c som ikkje kan dokumenterast blir dekka likevel dersom utgiftene eller tapet er sannsynleggjort på anna måte.

§ 4.Utmåling av utgifter og økonomisk tap

Godtgjering for skyss, kost og overnatting etter § 3 fyrste avsnitt bokstav a blir utbetalt etter dei til ei kvar tid gjeldande satsane i kommunen sitt reiseregulativ.

Studentar som oppheld seg midlertidig utanfor kommunen har rett til reiseutgifter på rimelegaste måte frå studiestad til møte i folkevald organ.

Utgifter etter § 3 fyrste avsnitt bokstav b dekkast med inntil kr 1500 per dag. Utgiftene må dokumenterast.

Tapt inntekt etter § 3 fyrste ledd bokstav c dekkast med inntil kr 3300 kr per dag for dokumenterte tap og inntil kr 1500 per dag for ikkje-dokumenterte tap.

§ 5.Møtegodtgjersle

Den som har eit kommunalt tillitsverv har krav på godtgjering for sitt arbeid etter fylgjande satsar:

FolkevaldeFramleggOrdningar
Ordførar95 % av løn stortingsrepresentantLøna dekkjer møtegodtgjersle, ikkje styregodtgjersle. Har kommunal mobiltelefon og kommunal vaktbil.
Varaordførar50 % av ordførarlønLøna dekkjer møtegodtgjersle i kommunestyre og formannskap. Har kommunal mobiltelefon.
Kommunestyremedlemer1,5 % av ordførarDekkjer møtegodtgjersle alle kommunestyremøte, inkludert folkevaldopplæring.
Formannskapsmedlemer3 % av ordførar
Dekkjer møtegodtgjersle i formannskap.
Medlem utval
– Kontrollutvalet
– Levekårsutvalet
– Investeringsutvalet
– Plan-, teknikk- og miljøutvalet
– Administrasjonsutvalet
1 % av ordførarlønDekkjer møtegodtgjersle i utvalet.
Medlem av Forvaltningsutvalet1,5 % av ordførarlønDekkjer møtegodtgjersle i utvalet.
Leiar utval
– Kontrollutvalet
– Levekårsutvalet
– Investeringsutvalet
– Plan-, teknikk- og miljøutvalet
– Administrasjonsutvalet
3 % av ordførarløn
Dekkjer leiar- og møtegodtgjersle i utvalet.
Leiar Forvaltningsutvalet4 % av ordførarlønDekkjer leiar- og møtegodtgjersle i utvalet.
Leiarar andre utval
– Klageutvalet
– Eldrerådet
– Rådet for menneske med nedsett funksjonsevne
– Ungdomsrådet
1,5 % av ordførarlønDekkjer leiar- og møtegodtgjersle i utvalet.
Medlemer andre utval1 % av ordførarlønDekkjer møtegodtgjersle i utvalet.
Varamedlemer til møte i kommunestyre, formannskap og utval.Som fast medlem.Møtegodtgjersle pr. møte.
Gruppeleiarar1,5 % av ordførarløn
Møtegodtgjersle ved andre politiske møte, som ikkje er godtgjort på annan måte.200 kroner timenMaks. inntil 8 timar per dag.
Utval utan årleg godtgjersle til leiar.
– Næringsfondet
– Arbeidsmiljøutvalet (AMU)
– Eigedomsskattenemnd
– Sakkunnig ankenemnd
FramleggUtgjer i kronerOrdningar
Vederlag for tapt arbeidsforteneste/inntektEigenerklæring 50 % av dagløn ordførar.
Tap av inntekt grunna deltaking i politiske møte
Inntil 1 500,–Tap og utlegg må stå i høve til medgått møte- og reisetid.
Tap i pårekna overtidsarbeid eller anna ekstrainntekt vert ikkje kompensert.
Krav må dokumenterast.
Vederlag for tapt arbeidsfortenesteDokumenterte utgifterInntil 3 300 krVederlaget føreset at den folkevalde har tap i inntekt.
Ved dokumentasjon eller eigenerklæring som viser dette.
Vederlag for andre utleggUtgifter til barnepass

Stell av sjuke og eldre
Som timepris for ekstra tid i kommunal barnehage

Refusjon av utgifter
Krav må dokumenterast.
SkysskostnaderBil: Statens regulativ

Andre reiseutgifter etter rekning – dokumentert
Reisa vert refundert frå folkeregistrert adresse til møtestad. (med unnatak av studentar som midlertidig oppheld seg i anna kommune)

Varamedlemmene får utbetalt etter sats som faste medlemmer ved oppmøte.

Utbetaling av møtegodtgjersle blir to gonger per år, innan juli og i januar.

Det blir ikkje gitt møtegodtgjering ved forfall.

Fast årleg godtgjering blir utbetalt etter frammøte. Ved fråvær blir godtgjersla redusert tilsvarande.

Utval utan årleg godtgjersle til leiar er: Næringsfondet, Arbeidsmiljøutvalet (AMU), Sakkunnig nemnd for eigedomsskatt og Sakkunnig ankenemnd for eigedomsskatt.

§ 6.Godtgjering ved frikjøp

Godtgjersla viser til kommunelova § 8-5

a.Ordføraren blir frikjøpt i 100 % stilling. Ordførar si løn blir sett til 95 % av stortingsrepresentantløn. Løna dekker all møtegodtgjersle. Ordførar har kommunal mobiltelefon og disponerar kommunal vaktbil.
b.Varaordføraren blir frikjøpt i 50 % stilling. Varaordførar si godtgjering blir regna ut frå ordførar si løn. Godtgjersla er 50 % av ordførarløna. Løna dekker møtegodtgjersle i kommunestyret og formannskapet. Varaordførar får kommunal mobiltelefon.

§ 7.Etterløn

Ordførar har etter søknad rett til etterløn i 3 månadar når han/ho trer ut av vervet.

Ein søknad om etterløn blir avgjort av formannskapet.

Retten til etterløn blir avkorta mot anna inntekt etter reglane i kommunelova § 8-6 andre og tredje avsnitt.

§ 8.Pensjonsordning

Ordførar har rett til pensjon i tråd med kommunen si pensjonsordning for tilsette.

§ 9.Rett til sjukepengar

Ordførar har same krav på sjukepengar som tilsette i kommunen.

Kommunen skal betala sjukepengar tilsvarande full løn i arbeidsgjevarperioden frå den første til den sekstande sjukedagen, jf. folketrygdlova § 8-19.

Ordførar har krav på løn utover seks gonger grunnbeløpet, jf. folketrygdlova § 8-10 andre avsnitt. Kommunen skal betala differansen mellom det ordføraren har krav på å få utbetalt i sjukepengar frå folketrygda og det ordføraren ville fått i løn i den same perioden.

§ 10.Rettar ved yrkesskade

Ordførar skal meldast inn i kommunen si yrkesskadeforsikring og eventuelle andre tilleggsforsikringar som gir tilsette i kommunen rett til ytingar ved yrkesskade.

§ 11.Permisjonar

Ordførar har etter søknad rett til permisjon i samsvar med arbeidsmiljølova § 12-1 til § 12-10, § 12-12 og § 12-15.

Søknad om permisjon blir avgjort av kommunestyret.

Under permisjonen beheld ordføraren løna i inntil to veker. Under svangerskapspermisjon, omsorgspermisjon, fødselspermisjon, foreldrepermisjon og ved barn og barnepassar sin sjukdom har ordførar rett til å halda på løna etter same reglar som gjeld for tilsvarande permisjonar for tilsette i kommunen.

§ 12.Trer i kraft

Forskrifta trer i kraft 15. mai 2020.