
30 år i same barnehagebygg blei feira i Omvikdalen 1. oktober i år.
Feira 30 år i barnehagebygget
I 30 år har Omvikdalen barnehage halde hus i barnehagebygget. 1. oktober vart det feira på grundig vis.
– Barnehagen hadde fellessamling med bursdagssong til barnehagen, etterfølgt av ulike stasjonsleikar. Barna fekk spela ringspel, kaste erteposar, minidiscotek, ballongleik og ansiktsmåling, fortel styrar Jeaneth Rangsæter Lyngnes.

Blant aktivitetane på 30-årsdagen var discotek.
Ei slik feiring vart ikkje fullkomen utan eit fullverdig måltid.
– Vi avslutta med nydeleg lasagne frå Gjøa og is frå iskiosken. Ei kjekk feiring med store og små i barnehagen, seier styraren.

Serviett og kniv og gaffel må til når ein feirar.
Det er ein god regel å feira det som feirast kan. 1. oktober gjorde Omvikdalen barnehage nettopp det, for då var det på dagen 30 år sidan dei tok i bruk i barnehagebygget.



Sist oppdatert
