Opphevar kokevarsel
Kokevarselet for Husnes, Sunde, Valen og Halsnøy er no oppheva.
Reine prøvar syt for at ein no opphevar kokevarselet for kommunale abonnentar på Husnes, Sunde, Valen og Halsnøy.
– Me har no motteke svar på dei siste vassprøvane frå punkt i heile forsyningsområdet. Alle prøvane er reine og kokevarselet vert oppheva for kommunale abonnentar på Husnes, Sunde, Valen og Halsnøy, opplyser einingsleiar Egil Eide i Eining for vatn og avløp.
Det vart på fredag oppdaga ein kortvarig svikt i vassbehandlinga ved hovudvassverket på Husnes, som forsyner Husnes, Sunde, Valen og Halsnøy med vatn. Det vart difor sendt ut kokevarsel til abonnentane som eit føre var-tiltak.
Rutinen tilseier at ein skal ha to reine prøvar på rad for å friskmelda vatnet, noko ein fekk stadfesta måndag formiddag.
Sist oppdatert