Innfører kokevarsel for Husnes, Sunde, Valen og Halsnøy

Grunna kortvarig svikt i vassbehandlinga sender ein difor ut kokevarsel no for å vera føre var.

– Det vanlegaste spørsmålet er kor lenge eit slikt varsel varer? Det tar eitt døger å analysera prøven, og me treng to godkjente prøvar før me kan oppheva kokevarsel. Det betyr at det tidlegaste me kan oppheva varselet, er søndag, opplyser leiar for Eining for vatn og avløp Egil Eide.

Han opplyser at eininga vil halda fram å informera abonnentane via sms kvar dag fram til ein tilbake til normal vasskvalitet.

Slik rutine er ved slike varsel, er Eining vatn og avløp i gang med å køyra ut reint vatn til sjukeheimane i det råka området.

Dette gjeld når du har motteke kokevarsel:

Kvinnherad kommune fylgjer råd frå Folkehelseinstituttet om å anbefala koking ved mistanke om at drikkevatnet kan vera forureina. Terskelen for å anbefala koking av drikkevatnet er svært låg med bakgrunn i «føre var» prinsippet. Koking drep mikroorganismar som virus, bakteriar og parasittar. Vatnet bør fosskoka i eit minutt.

Folkehelseinstituttet sine råd til privathushaldningar

I tillegg til drikke, bør du koka vatn som skal nyttast til:

• All mat som ikkje skal kokast eller varmehandsamast over 100 grader.
• Utblanding av saft, og andre produkt som vert drukke eller ete.
• Isbitar.
• Kaffi. (Kaffitraktar kokar ikkje vatnet)
• Skylling av frukt, salat og grønsaker som ikkje skal kokast.
• Tannpuss.
• Barn bør ikkje leika med vatnet i hagevatnar, eller bada i barnebasseng i periodar med kokevarsel.

Ukokt vatn kan nyttast til:

• Koking av mat.
• Handvask.
• Dusjing og karbad. Pass på å ikkje svelgja vatn. Ha særleg kontroll på små barn.
• Manuell oppvask og oppvaskmaskin. Ved oppvask for hand må oppvasken skyljast med kokt, varmt vatn eller tørkast godt.
• Klesvask.
• Reinhald i huset.
• Anna bruk heima.