Sperringane på plass ved Bondhusvatnet

Politiet har no sett opp sperreband innanfor Holgersneset, inst ved Bondhusvatnet. Opphald innanfor sperringane vart onsdag forbode av politiet.

Avgjerda til politiet Åpnes i nytt vindu. og sjølve bresjøen som ein er redd kan utløysa eit jøkullaup Åpnes i nytt vindu. er omtala på Kvinnherad kommune sine sider tidlegare. Det er på sin plass å merka seg at Bondhusdalen frå Sunndal og opp til Bondhusvatnet er open for besøkande som vil på tur. Den idyllen er det ingen restriksjonar på.

Det er elveosen inst i vatnet samt elveløpet oppover mot brekanten det er forbunde fare å opphalda seg i no.

Viss bresjøen fløymer nedover elveløpet mellom Bondhusbreen og Bondhusvatnet, er det ingen grunn til å uroa seg for konsekvensane nedanfor vatnet. Geolog Jostein Bakke anslår at vasstanden i Bondhusvatnet vil stiga med fem centimeter i så fall.