Informasjonsmøte om demensvenleg samfunn

Biblioteket på Husnes og Dinosaurhuset i Rosendal var åstadane då arbeidsgruppa for Demensvenleg samfunn inviterte til informasjonsmøte/kurs for butikktilsette.

Det er Nasjonalforeningen for folkehelsen som står bak kursmateriellet, og det var leiar i Hukommelsesteamet Evelyn Mehl Willumsen som losa dei butikktilsette gjennom det timeslange føredraget.

På Husnes i slutten av april vart det ei open stund med god dialog og mange spørsmål frå dei frammøtte. I Rosendal i starten på mai fekk om lag ti butikktilsette og helselagsmedlemmer det same føredraget, og også her var det god tid til dialog kring problemstillingar og kvardagsutfordringar.

Felles for begge plassane var gode tilbakemeldingar på innhald og nytteverdi i kurset. Pårøranderepresentant Kjellfrid Bruntveit var blant ressurspersonane som var med på møtene