Startar sprengingsarbeid på Ny Onarheim transformatorstasjon

I samband med anleggsarbeid på ny Onarheim transformatorstasjon vil det no starta opp sprengingsarbeid.

– Arbeida blir utført av Vassbakk og Stol. Det er sett i verk tiltak for å ivareta tryggleiken og redusera belastning for omgjevnadane. Sprengingsarbeida har planlagt oppstart i uke 19 (6. mai) og er planlagt fram til og med uke 40, opplyser Benedikte Vivaas Kise i Afry.

Tryggleik og varsling

Før kvar sprenging blir området fysisk gjennomgått og sikra. Dette inkluderer sikring av nærliggjande område og turstiar. Det blir etablert ei tydeleg sikringssone rundt sprengingsstaden.

– Nærast råka aktørar vert kontakta i forkant. For område mot Hydro avtalar me konkret tidspunkt for sprenging direkte med Hydro før avfyring, fortel Vivaas Kise.

Varsling skjer ved bruk av sirener, etter følgjande signal:

• Pulserande sirene høyrest cirka eitt minutt før sprenging
• Éi samanhengande sirene markerer at faren er over

Avbøtande tiltak

For å redusera påverknad på omgjevnadene blir fleire avbøtande tiltak gjennomført:

• Det er montert skakingsmålarar i nærliggjande område
• Det er etablert direkte dialog med verkstad og nærliggjande gardsområde.
• Det blir gjennomført støy- og støvdempande tiltak som vasstilsetning mfl. Det blir gjort løpande vurderingar og tilpassingar gjennom perioden.

Nabokontakt for prosjektet er tilgjengeleg for spørsmål: Sindre Midtun, tlf. 455 07 683