Slik blir Frigjerings- og veterandagen 8. mai markert i Kvinnherad

Både ordføraren og heimevernsleiaren spelar ei rolle når frigjerings- og veterandagen får velfortent merksemd i Kvinnherad.

Som tidlegare år blir det markering ved bautaen ved Husnes kyrkje og bautaen ved rådhuset i Rosendal, høvesvis kl. 1000 og kl. 1200.

Kvinnherad kommune v/ordførar Vegard Bjørnevik inviterer alle innbyggjarar til markering av 8. mai, frigjerings- og veterandagen. Då minnast me frigjeringa i 1945 og heidrar kvinner og menn som har lagt ned ein militær innsats, som har kjempa for fred både her heime og i internasjonale operasjonar.

Både på Husnes og i Rosendal blir det innleiing ved områdeleiar i Indre Hardanger og Kvinnherad Heimevernsområde kaptein Tor Vidar Sæle og tale ved ordførar Vegard Bjørnevik før kransenedlegging.

Stad: Bautaen ved Husnes kyrkje kl. 1000 og bautaen ved rådhuset i Rosendal kl. 1200.

Etter markeringa i Rosendal inviterer ordførar til kake og kaffi på rådhuset. Påmelding til sentralbordet i rådhuset tlf. 53483100 innan 6. mai kl. 1400.

Alle er velkomne.