Bidrog på fylkestinget for ungdom

I helga deltok ungdomsrådet på fylkesting for ungdom (FFU).

FFU er ei samling av alle ungdomsråda i Vestland Fylkeskommune, kor kvar kommune får moglegheita til å stille med to delegat. Frøya Sverresdotter Hatteberg og Ammro Kordo representerte ungdomsrådet, medan Tord Sverreson Hatteberg representerte Vestland Ungdomsutval (VU).

– Det vart diskutert sakar som er aktuelle og viktige for ungdom frå forskjellige kommunar i Vestland. Programmet for helga inkluderte mellom anna samtalar og samarbeid med representantane frå andre ungdomsråd, innlegg frå fylkesvaraordførar og fylkesdirektør, debatt, sosiale aktivitetar og konstituering av nytt VU, fortel leiar i ungdomsrådet i Kvinnherad Frøya Sverresdotter Hatteberg.

Ho vart valt til 2.årig medlem av VU. Det vart jobba mykje med planprogrammet til VU, som er sakene VU skal fremja i den perioden.

– Ungdomsrådet ser fram til å knyta erfaringane dei har fått i helga vidare inn arbeidet dei gjer lokalt i kommunen, legg Frøya Sverresdotter Hatteberg til.