Skyss kjem med ny app

Frå 9. mars kjem Skyss med ein heilt ny app der ein kan planleggja kollektivreisa og kjøpa billett på same stad.

– Endringa vil påverka kollektivbrukarar i heile Vestland, inkludert i kommunar der Skyss tilbyr bestillingstransport, skriv Skyss i ei melding til alle kommunar i Vestland.

Meir detaljert informasjon finn du best ved å besøkja skyss.no/app Lenke til et annet nettsted, åpnes i nytt vindu..

Fakta om appen:

• Den nye appen heiter Skyss
• Han er ei samanslåing av tre appar: Skyss Reise, Skyss Billett og Skyss Bestilling
• Alle som har den gamle appen Skyss Reise på mobilen sin, vil få den nye appen automatisk gjennom ei oppdatering
• I ny app kan ein både planleggja kollektivreisa og betala for billetten, for alle reiser med Skyss (bybane, buss og båt) i heile Vestland fylke
• Ein kan bruka den gamle appen Skyss Billett ei stund til. Dersom du har ein gyldig billett i Skyss Billett, kan du venta til denne går ut før du byrjar å kjøpa billettar i ny app.
• Ein kan ikkje flytta billettar frå Skyss Billett til ny Skyss-app. Ein får heller ikkje flytta opparbeidd reiserabatt frå den gamle til den nye appen.
• Appen Skyss Bestilling vil også fungere parallelt med den nye appen ei tid framover, slik at ein kan velja om ein vil bruka Skyss eller Skyss Bestilling for å bruka bestillingsbuss i dei områda som har dette.

Av tekniske grunnar vil ikkje alle brukarar få oppdatering til den nye appen på sjølve 9. mars. Utsendinga av ny app vil skje over ein to-vekers-periode. iPhone-brukarar treng ikkje å vente på tur, men kan sjølv velja å laste ned den nye appen frå Appstore, informerer Skyss.