Skifte av låsesylindrar i kommunale nøkkelboksar

Kvinnherad kommune vil i løpet av dei komande månadane skifta ut låsesylindrar i dei kommunale nøkkelboksane.

Arbeidet startar i mars. Dei nye låsesylindrane er elektroniske, gjev betre tryggleik og stettar kvalitetskrav. Innbyggjarar med tryggleiksalarm, heimetenester eller som av andre årsaker har nøkkelboks frå kommunen på sin bustad vil difor sjå at denne vert ny.

Nøkkelboksane vil stort sett vera like, med unntak av eldre boksar som vert skifta ut med nye. Arbeidet skjer utan at du treng vera heime eller på anna måte vert kontakta. Du som innbyggjar treng ikkje føreta deg noko i denne samanheng. Nøkkelen til din bustad vil framleis vera i boksen etter skiftet, og dei som skal ha tilgang til denne vil framleis ha det.