Utbrot av Norovirus – ber pårørande vurdera om besøk er naudsynt denne veka

Torsdag melder leiinga ved Husnestunet om utbrot av Noro-virus ved institusjonen. Pårørande blir oppmoda om å vurdera behovet for besøk opp mot risikoen for smittespreiing.

– Me har utbrot ved fleire avdelingar og me jobbar fortløpande med å få kontroll på viruset. For å halda spreiinga på lågaste mogelege nivå, ber me pårørande vurdera om det er naudsynt med besøk på Husnestunet denne veka, seier einingsleiar ved institusjonstenesta Tove Omdal.

Ho minner i same slengen om at dei som vitjar Husnestunet den neste veka bør vera ekstra nøye med handhygienen, både for å unngå å bli smitta sjølve og for å hindra vidare spreiing av viruset.