Husnes barneskule inviterer til open dag

Husnes barneskule opnar måndag dørene til publikum.

Husnes barneskule opnar no dørene til publikum. Skulen er utforma for å gje elevane varierte og moderne læringsmoglegheiter, med mellom anna spesialrom, skaparverkstad, bibliotek og eit uteområde som legg til rette for både aktivitet og utforsking.

Open dag måndag 19.01 kl. 13.00–17.00
Dette er ein fin moglegheit for føresette, familie og andre interesserte til å bli betre kjende med den nye skulen.

Parkering:
Bruk parkeringsplassen ved Undarheim skule eller Kvinnherad Arena, ikkje kiss and ride. Ber om at ein ikkje nyttar parkeringa mellom Myhrane barnehage og Undarheim skule, då dette er ei tid då mange skal hente sine born.

Skofri skule:
Husnes barneskule er ein skofri skule.
Hugs derfor å ta av skoa, bruke «blåsokkar» utanpå skoa, eller ta med innesko.

Skulen ønskjer alle hjarteleg velkomne.