Kriseleiing og nødetatar øvde saman

I Kvinnherad er naudetatane representert med særs kompetente folk. Det fekk kommunen sine representantar erfara då kommunen fekk vera observatør.

I samband med blålysetatane sine årvisse øvingar, har dette året den kommunale kriseleiinga delteke på øvinga. Først med fysisk deltaking som observatørar på nødetatane sine to øvingar, og deretter vart det gjort ei skrivebordsøving på rådhuset, der kriseleiinga, brann og redning, politi og ambulanse deltok.

– Me fekk utveksla erfaringar og vurderingar, og dette understrekar verdien av både å øva saman og å sjå og læra av kvarndre. Me i den kommunale kriseleiinga har mykje igjen for dette, seier kommunedirektør Leif Ove Mikkelsen i etterkant.