NVE tilrår konsesjon til Mauranger 2 og nye miljøkrav i Maurangervassdraga

I ei pressemelding torsdag går det fram at NVE rår til at Statkraft får konsesjon til å byggja Mauranger 2 kraftverk med to nye pumper og fleire nye vassoverføringar.

Utvidinga vil gi monaleg auke i effekt, og dermed bidra til meir fleksibilitet i kraftsystemet. NVE tilrår også nye miljøkrav for heile reguleringa, får det fram av pressemeldinga.

Dersom det største alternativet som NVE anbefaler blir bygd, vil den installerte effekten auka frå 250 MW til 880 MW. Anlegga vil i så fall vera det tredje største i Norge målt i effekt, og utgjera om lag 2,6 prosent av den samla installerte effekten i norsk vasskraft.

– Ei utviding av Maurangeranlegga vil styrka effektbalansen i Noreg og bidra til at vi til ei kvar tid har nok straum til å dekke forbruket. Meir regulerbar effekt gjer det mogleg å fasa inn meir uregulerbar produksjon i kraftsystemet, og legg til rette for auka forbruk, seier energi- og konsesjonsdirektør Inga Nordberg i NVE i pressemeldinga.

Heile meldinga – inkludert tilrådingar om minstevassføring og kva som er vidare saksgang – kan ein lesa på NVE sine sider Lenke til et annet nettsted, åpnes i nytt vindu..