Viste seg fram på yrkesmessa

– Det er ein viktig plass for oss å visa oss fram på.

Det seier Yngvar Skarveland ved personalavdelinga om stormønstringa i Husneshallen onsdag.

Der var om lag 40 skular og bedrifter samla for å visa seg fram for elevar ved ungdoms- og vidaregåande skule. Kvinnherad kommune stilte breitt, med representantar frå Brann og redning, helse og omsorg, Bygg og eigedom til tillegg til leiaren for personalavdelinga.

– Det er viktig for oss å treffa ungdommane, slik at me får presentert spennet i tenestene me yter, og tilsvarande visa fram spennet i arbeidskraft som me treng – både no og i framtida. Me ser at det er eit tilsvarande stort spenn blant ungdommane i kva dei interesserer seg for også, og her på messa fekk me mange av dei i tale, seier Yngvar Skarveland.