Tenestestruktur - Vestland tannhelseteneste 2026 – 2036 er på høyring

Fram til 2. desember kan ein senda inn høyringsuttalar til framtid tenestestruktur til Vestland tannhelseteneste.

Fylkesutvalet i Vestland fylkeskommune legg no administrasjonen sitt forslag til ny tenestestruktur for Vestland tannhelseteneste ut på høyring. Høyringsperioden er sett til 21.oktober til 2. desember 2025.

Vestland fylkeskommune skriv at «formålet med ny tenestestruktur er å legge til rette for ei framtidsretta, berekraftig og meir fleksibel organisering av tannhelsetenesta. Tenestestrukturen bygger på ein strategisk, langsiktig og heilskapleg tilnærming til dei utfordringane tenesta står ovanfor, til dømes

• endringar i demografi og aukande sosial ulikskap
• auka behov for samarbeid, tverrfaglege og spesialiserte tenester
• fleire ressurskrevjande og prioriterte pasientar
• manglande og skeivt fordelt tannhelsepersonell
• variasjonar i klinikkstørrelse, standard og drift
• teknologisk utvikling og digitalisering
• auka krav til forsking og kunnskapsbasert praksis»

Heile pdf-en med utkastet finn ein her: tenestestruktur-2026-2036.pdf Lenke til et annet nettsted, åpnes i nytt vindu.

Her går får for å senda innspela dine: Høyringsinnspel Lenke til et annet nettsted, åpnes i nytt vindu.

I høyringsrunden ynskjer fylkeskommunen spesielt innspel på:

1. Korleis legg forslag til ny tenestruktur til rette for at folk som bur i Vestland fylke kan få kompetanse på å ta vare på eigen tann- og munnhelse gjennom heile livet?
2. Korleis legg forslag til ny tenestestruktur til rette for at tannklinikkane i Vestland tannhelseteneste kan ha solide fagmiljø og vere ein attraktiv og konkurransedyktig arbeidsplass?
3. Korleis legg forslag til ny tenestestruktur til rette for at Vestland tannhelseteneste skal kunne bidra inn i ein målretta, heilskapleg og koordinert nasjonal innsats for forsking, utvikling og innovasjon innanfor tannhelsetenesta?
4. Korleis legg forslag til ny tenestestruktur til rette for at pasientane i Vestland tannhelseteneste skal få likeverdige, nødvendige og trygge tenester av god kvalitet?
5. Korleis vil den føreslåtte klinikkstrukturen bidra til at Vestland tannhelseteneste får ei berekraftig organisering som sørgjer for at tannhelsetenester i rimeleg grad er tilgjengeleg for alle som bur eller midlertidig oppheld seg i Vestland fylke?