Kulturprisen 2025 til Øystein Skaala
Levekårsutvalet har tildelt Kvinnherad kommune sin kulturpris til Øystein Skåla. (Foto: Håvard Sætrevik)
Tysdag 4. november tildelte levekårsutvalet Kvinnherad kommune sin kulturpris til den særs allsidige Øystein Skåla.
Skåla er professor ved Havforskingsinstituttet i sitt daglege vyrke, og har utmerka seg på fritida med stort engasjement på fleire felt. I grunngjevinga i samband med tildelinga skriv utvalsleiar Inger-Elin Nesheim:
«Det er ei stor glede og ære å kunngjera at Øystein Skaala vert tildelt Kulturprisen 2025. Prisen får han for særleg fortenestefull frivillig innsats for kulturlivet i Kvinnherad og aktivt kulturarbeid over lenger tid. Øystein har bidrege stort i å ta vare på og synleggjera kulturhistoria i Rosendal. For å nemna noko av det imponerande arbeidet han har vore involvert i: Rosendalsstiftinga med Steinparken, filmprosjekt med tre filmar om livet på jorda, arbeid med Malmanger Prestegard, Folgefonnsenteret og filmen om kunstnaren Lul Krag.
Som langvarig formidlar av lokal historie og kultur er Skaala ein verdig vinnar av Kulturprisen!
Levekårsutvalet sluttar seg til Kongen sin hyllest, og me gratulerer og takkar varmt for den solide og langvarige innsatsen!»
Kvinnherad kommune stiller seg tidleg i køen og gratulerer Skaala med prisen!
Glasskulpturen «Dråpen» er det synlege provet på kulturprisen.
Sist oppdatert