Treng bøsseberarar og rodeleiarar til tv-aksjonen

19. oktober er det klart for årets viktigaste søndagstur. Kvinnherad treng framleis fleire bøsseberarar til innsamlingsaksjonen.

Årets TV-aksjon går til inntekt for Atlas-alliansen sitt prosjekt «Saman opnar me dører». Midlane som blir samla inn skal gå til å gje menneske med funksjonsnedsetjing eit betre liv. Landa som inngår er Palestina, Ukraina, Etiopia, Nepal, Tanzania, Uganda og Zambia, og inntekta er venta å hjelpa 200.000 menneske – og familiane deira – vil få hjelp via aksjonen.

For å sikra at Kvinnherad får bidrege godt til tv-aksjonen, trengs det frivillige til å gå med bøssene rundt på dørene langsetter kommunen.

– Me ser at det har vore eit slags generasjonsskifte blant rodeleiarane i Kvinnherad, og me jobbar med å få rodeleiarar rodene Uskedalen, Sæbøvik/Tofte, Halsnøy Kloster, Herøysundet og Valen. Dette er ganske store roder med behov for mange bøsseberarar, seier Bente Nilsen i Frivilligsentralen.

Kan du bidra, så ta gjerne kontakt med aksjonskomiteen på e-post/sms til Bente Nilsen (47488596) eller Maja Nordnes Blom (45275427).