Brannvernveka i Omvikdalen barnehage

I førre veke hadde Omvikdalen barnehage ulike aktivitetar knytt til brannvern.

Brannvernveka vert arrangert kvart år i veke 38 og er ein landsdekkjande kampanje som skapar merksemd om brannforebygging.

– Vi har hatt besøk av brannbilen med omvising, hatt brannøving, dansa Bjørnis-dans, laga hjelmar, brannsløkkingsapparat, walkietalkie og laga ulike brannmiljø. Tusen takk til Kvinnherad brann og redning som tek seg tid til å besøkja barnehagane, helsar Jeaneth Sundal Rangsæter i Omvikdalen barnehage.